GMN TV Politika Timor-Leste sosa tan asaun Shell US$300 Millaun

Timor-Leste sosa tan asaun Shell US$300 Millaun

0 views

Timor-Leste asina tan akordu ho kompañia Shell hodi sosa asaun kompañia nee ninia  26.56% ho osan US$ 300 millaun iha Kampo Mina Greater Sunrise.

Akordu ne'e asina husi representante especial Timor-Leste, Kay-Rala Xanana Gusmão, no Prezidente Ezekutivu kompañia Shell Austrália, Zoe Yujnovich, iha salaun komferensia, Hotel Codrat, Nusa-dua, Bali-Indonesia, Kuarta (21/11/2018) nee.

Hafoin asina, Xefi Negosiador, Xanana Gusmão dehan, Timor-Leste la'os hanoin atu sosa asaun ne'e, maibe kompañia sira ne'e fa'an no Timor-Leste hanoin katak ne'e oportunidade diak, nune'e ikus sosa asaun nee.

Xanana Gusmão mos garante katak, kadoras tenke mai duni Timor-Leste, nune'e fo servisu ba Timoroan.

"Atu dehan katak tuir prosesu la'o, ita nia objetivo la'os atu dehan sosa mas ita defende nafatin ho determinasaun ho firmeza katak, kadoras tenke mai ita nia rain, iha komisaun konsiliasaun sira dehan diak liu simu deit osan, maibe hau dehan lae, husi Bayu-undang ami simu tiha ona osan, ne'e bolu retornu finanseiru, dala ruma ami la'o ne'e ba deit hotel, maibe hau kostuma la'o ba buka aprende, ne'ebe hau haree tun, haree sa'e, iha kedas tinan 2010 Kosta-Sul ne'e iha kedas plano estratejiku dezenvolvimentu nasional, tanba ne'e maka esforsu an nafatin to'o ita konsege manan tiha Fronteira Maritima, no ita hamutuk ho Conocophilips ho Woodside, Shell ho Osaka Gas katak atu dada mai iha ne'e (Timor -red). tanba kompañia Shell katak, sira mos iha projeto no sira mos hakarak sai kompañia ida efisiente liu, hau mos hasoru tan vise prezidenti katak sira mos iha projeto boot iha Canada, ne'ebe sira respeita ita nia interese no estratejia atu dada mai Timor para halo dezenvolvimentu ekonomiku iha ita nia rain, ne'ebe sira dehan ita hakarak sosa. Ita laiha buat ida iha ita nia ulun katak atu sosa, maibe sira hakarak fa'an entaun ba ita diak liu tan, agora ita iha 56 % katak ita maioria, ita maioria ho asoens ne'e dehan karik katak, desizoens ne'ebe atu halo bainhira tuir hamutuk ita nia lian boot liu, tanba ita maioria asoens, ne'e duni agora ne'e situasaun maka ne'e, ita sei la deskute tan katak buat ne'e dada ka la dada, tanba atu dada ne'e maka sira respeita fo", dehan Xanana Gusmão.

Xanana Gusmão klarifika mos katak, negosiasaun ba sosa asaun ne'e konfidensial, tanba relasaun ho  osan.

Maibe, Xanana Gusmao promete, iha loron 8 Dezembro tinan ne'e sei realiza komferensia ida iha Centro Convensões Dili hodi esplika ba povu Timor-Leste, kona ba vantagem sosa asaun husi kompañia Internasional rua refere.

Iha fatin hanesan, Presidente Ezekutivu kompañia Shell Austrália, Zoe Yujnovich konsidera sira permite fa'an asaun ba  Governo Timorense, tanba Timor-Leste hanesan parseiro konsorsio nune'e Timor-Leste bele realiza ninia objetivos relativamente ho kampo petrolíferos Greater Sunrise.

"Respeita tebes Governo de Timor-Leste hodi nune'e sira bele dezenvolve Greater Sunrise liu husi LNG iha Kosta-Sul. Maske iha opiniaun diferente kona ba senario dezenvolvimento nian, maibe intende prioridade Governu Timor-Leste nian hodi nune'e dezenvolve ekonomia Timor-Leste nian", dehan Zoe Yujnovich

Nune'e mos, Prezidenti Timor Gap, Francisco Monteiro, dehan, Governu sei halo pagamentu ba kompañia loron 31 Marsu 2019, maibe kuandu liu ona fulan ne'e maka Governu seidauk halo pagamentu maka sei selu jurus kada fulan US$5 millaun.

"Iha loron 31 Marsu 2019 tenke halo ona pagamentu, maibe liu data ne'ebe termina maka seidauk selu maka sei iha jurus, jurus ne'e substansial oitoan, kada fulan selu jurus US$5 millaun, ne'e osan boot", dehan Francisco Monteiro.

Antes ne'e, Timor-Leste mos asina ona akordu ho kompañia Conocophilips hodi sosa asaun ho 30 % ho osan hamutuk US$350 millaun.  Nunee mos Kompañia Woodside mos antes nee deklara ona katak nia parte partisipa deit iha prosesu upstream, konaba prosesu downstream nian entrega ba  Timor Leste.

Akordo sosa asaun Shell ne'e asina iha Hotel Codrat, Nusa 2 Bali, Indonesia, partisipa husi  Presidente Timor Gap, Francisco Monteiro, Presidente Autoridade Nacional Petróleo no Minerais, Gualdino da Silva, eis Ministru Petrolio e Rekursu Minarais, Alfredo Pires,  eis Ministru Finansas, Helder Lopes, no emprezario husi Australia. mia

 


Banner

Foto

Notisia Ikus

Arsénio Bano agradese ba PM

August 3, 2021
Hafoin kompleta mandatu tinan ida, Prezidente Au...

TNI tiru kanek Timor-oan ida, PN husu TL rezolve ho RI

August 3, 2021
Parlamentu Nasionál liuhosi komisaun A, ne’eb...

Governu tenke investiga, implementasaun subsídiu ba universidade

August 3, 2021
Parlamentu Nasionál (PN), liuhosi komisaun G ne...

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...
1 2 3 624

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker