GMN TV Politika Tomas Cabral aprezenta relatóriu husi Guiné Bissau ba Governu

Tomas Cabral aprezenta relatóriu husi Guiné Bissau ba Governu

0 views

Xefi delegasaun ekipa téknika Timor-Leste, Tomas Cabral, hasoru malu ho Primeiru Ministru (PM), Taur Matan Ruak, hodi hato’o relatóriu kona ba servisu ne’ebé sira hala’o iha Guiné Bissau.

Tomas Cabral hatutan, Governu nomeia nia hodi xefia ekipa téknika  ida husi Timor-Leste,  hodi ba ajuda Governu Guiné Bissau atu halo manutensaun no update  baze dadus ne’ebé Timor-Leste fornese ona iha tinan 2014.

Tomas Cabral hateten, misaun Timor-Leste iha Guiné Bissau sei remata iha fim fulan Dezembru, tinan ne’e, tanba posibilidade eleisaun iha Guiné Bissau sei hala’o iha tinan oin.

“Ha’u mai hasoru malu ho Primeiru Ministru, tanba depois Konsellu Ministru hasai rezolusaun rua, rezolusaun primeiru ba halo levantamentu iha Guiné Bissau, no rezolusaun segundu misaun apoiu téknika  ida iha Guiné Bissau”,relata Tomas Cabral ba jornalista sira iha Palásiu Governu, Kinta (15/11).

Tomas Cabral hatutan, iha sorumutu ne’e, nia informa ba Xefi Governu kona ba misaun Timor-Leste nian iha Guiné Bissau, sei remata iha fim Dezembru.

Tomas Cabral ho nia ekipa hamutuk ema nain lima ne’ebé mak servisu diretamente halo manutensaun no update baze dadus ne’ebé uluk Timor-Leste fornese.

“Baze Dadus ne’ebé uluk Timor-Leste fornese iha tempu ne’eba ho 759 mil eleitores sei nafatin hela, durante tinan 4 sira la konsege halo mobilizasaun ba sasan sira ne’e, entaun sira foin dadauk ita ba rekopera fila fali, no ita sei entrega servisu ne’e ba sira nia Governu”,afirma Tomas Cabral.

Tomas Cabral haktuir, eleisaun iha Guiné Bissau ne’e, tuir lolos realiza iha 18 Novembru, maibé kondisoens iha terenu prosesu la’o hela, no Timor-Leste tama mós iha inisiu Outubru, tanba ne’e mak situasaun eleisoens ne’e, sei bele muda ba tinan oin.

“Informa ba Primeiru Ministru, misaun iha Guiné em nome Estadu Timor-Leste, no iha avansu oitoan, entaun ha’u mai atu inform aba Primeiru Ministru kona ba servisu saida mak Timor-Leste halo iha Guiné Bissau. Misaun iha Guiné Bissau, ita to’o ba iha ona Nasoens Unidas ne’ebé mak organiza Ajensia Internasional sira inklui CPLP, maibé tanba Timor-Leste ba ne’e, hetan konvite husi Primeiru Ministru, Guiné Bissau mai Primeiru Ministru Timor-Leste, entaun Timor-Leste ne’e ba hanesan parseria tékniku, servisu diretamente ho ajensia sira iha ne’eba”,relata Tomas Cabral.

Iha sorumutu ne’e, Primeiru Ministru, Taur Matan Ruak, husu Tomas Cabral atu hato’o komprimentu ba povu Guiné Bissau, no haruka Tomas Cabral no nia ekipa atu tranzmite lalais informasaun mai Governu kona ba situasaun saida de’it mak la’o iha Guiné Bissau.

Tomas Cabral afirma, Orsamentu ne’ebé mak Konsellu Ministru aprova hodi ekipa téknika  Timor-Leste ba halo manutensaun ba baze dadus iha Guiné Bissau hamutuk rihun US$872. Maibé Tomas Cabral dehan, iha posibilidade orsamentu ne’e sei la gasta hotu.cos


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker