GMN TV Politika Uza osan FP selu asaun kompañia Shell, Xanana Gusmão fiar PR promulga revizaun lei FP

Uza osan FP selu asaun kompañia Shell, Xanana Gusmão fiar PR promulga revizaun lei FP

0 views

Xefi negosiador prinsipal  Fronteira Marítima, Kay Rala Xanana Gusmão, infroma, Governu sei foti osan husi Fundu Petrolíferu hodi sosa asaun kompañia Shell, Australia ho montante Dollar Amerikanu millaun 300. Maibe Governu sei hein promulgasaun husi Prezidenti Repúblika, Francisco Guterres ‘Lú Olo’, tanba Parlamentu Nasional halo ona revizaun.

Antes ne’e Timor-Leste asina ona akordu hodi sosa partisipasaun ConocoPhilips nian iha Greater Sunrise ho folin Dollar Amerikanu Millaun 350, no verba ne’e sei mai husi Orsamentu Jeral Estadu 2019, ne’ebé Governu aprezenta ona ba Parlamentu Nasional.

Iha loron 21, fulan Novembru, tinan ne’e, Timor-Leste sosa tan asaun kompañia Shell husi Australia nian ho montante Dólar Amerikanu Millaun 300 iha kampo Greater Sunrise.

Tuir Xefi negosiador Fronteira Maritima, Kay Rala Xanana Gusmão, osan ba atu sosa asaun hirak ne’e sei mai husi Fundu Perolíferu (FP), kuandu Prezidente Repúblika, Francisco Guterres ‘Lú Olo’ promulga ona lei numeru 13/2005.

“Agora para iha konfiansa husi Shell katak ita sei selu maka prazu ne’e sei to’o 2020, tanba tinan ida ne’e, ita iha Orsamentu Jeral Estadu iha tiha ona ba ConocoPhilips nian, sira kompriende hotu ida ne’e. Maibe loron ida ha’u ba audiensia publika iha parlamentu atu halo revizaun ba lei atividade Fundu Petrolíferas, halo tranzaksoens, tanba lei atividade Fundu Petrolíferas halo iha 2005, ne’ebé ita mos osan seidauk iha tan.

Iha ne’eba dehan Estadu so bele fo 20%, ne’e maka ami respeita lejisladores 2005 nian dehan 20%, maibe tau hanesan kecualian ida essesaun ida ba tranzaksoens hanesan halo dadauk ne’e liu, iha ne’eba mos ami temi katak, se kaer tuir lei Fundu Petróleu ne’ebé autoriza uza 5% husi fundu agora ne’e ami halo kalkulu husi 5% ba fundu agora ne’e 800 ital milloens, ne’eb’e ami dehan, oii diak. Agora iha OJE 2019 iha Dollar Amerikanu Millaun 350 atu selu ConocoPhillips, ne’ebé ba tiha diskuti ho sira (PN) koalia tan ho sira ne’ebé Parlamentu aprova tiha ona revizaun ba lei ne’e, no lei ne’e agora iha hela Prezidente da Repúblika, ha’u fiar teb-tebes katak, Prezidente Repúblika sei promulga.  Sei promulga tanba sa? Iha buat rua. Ida, se ita tau iha OJE ne’e despeza, gasta, gasta ona, osan sei la fila, hanesan ita sosa kareta, halo estrada, selu salariu, sosa aimoruk, neé despeza. Agora lei ne’ebé ami fo ba Prezidente Republika atu promulga ne’e investimentu. Investimentu katak, kaer osan ne’e investe ba petroleu, laos investe fali ba hakiak karau, laos investe fali ba buat ruma seluk, mas investe ba petroleu. Se investe ba petroleu, minimal osan be Dollar Amerikanu Millaun 350 ne’e fila-fali, kuandu ita faán ona gas osan neé fila fali”,dehan Xanana Gusmao, hanesan mos Xefi negosiador prinsipal ba fronteira terrestre entre Timor-Leste ho Repúblika Indonesia ne’e.

Tuir Xanana katak, nia hatene hela ema ne’ebé mak halo krítika, maibe nia husu ba sira hirak krítika ne’e tenki buka hatene atu bele kompriende.

“Ha’u senti katak, ema bele dehan katak, oi-oi-oi-oi. Lei Fundu Petrolíferu halo iha tinan 2005, tinan 2011 ami halo revizaun, tanba osan neé ba hotu Bonds Amerikanu no mínimu fo valor ba dollar be ita uza neé, fo seguransa”,dehan Xanana Gusmão.

Lider karismatiku nee husu ba ema hotu katak, nia halo servisu ba Timor-Leste ne’e laós halo nar-naran deit hanesan ema balu koalia, maibe ba ho pensamentu ida klean, halo estuda ba vantajen no desvantajen sira oinsa atu lori nasaun neé ba oin.

“Pelo menus fiar netik ita itoan, katak ita hatene halo duni, katak ita hatene servi ita-nia rai. Tanba fofoun mos dehan, oe-oe-oe. Ha’u kria Autoridade Nasional Petroleu no Mineral, balu dehan oe-oe-oe Fundu Petroleu atu monu ona, haree ita halo investimentu Dollar Amerikanu billaun 5 agora ne’e”,dehan Xanana.

Tuir Xanana, se lei ne’ebé deputadu Parlamentu Nasional halo revizaun no Prezidente Republika, promulga ona bele selu asaun husi kompañia ConocoPhillips no Shell.

Antes ne’e Primeiru Ministru, Taur Matan Ruak, dehan, Governu sei deside fonte orsamentu hodi selu asaun kompañia petrolífera ConocoPhillips ho Shell ninian. Ho akordu ne’e mak Timor-Leste mak sei iha asaun barak liu iha explorasaun kampo Greater Sunrise ho porsentu 56, 56.mia


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker