GMN TV Politika Xanana Gusmão: PR Lú-Olo komprende liu Konstituisaun

Xanana Gusmão: PR Lú-Olo komprende liu Konstituisaun

0 views

Prezidente Partidu Congresu Nacional Rekonstrusan Timorense (CNRT), Kay Rala Xanana Gusmão, hatete Prezidente Republika, Francisco Guterres Lu Olo kompriende liu Konstituisaun Republika Demokratiku Timor Leste , tamba atual Xefe Estadu nee mak uluk hanesan Prezidente Asembleia Konstituante hodi hakerek konstituisaun.

 “Hau sente katak, ita hotu tenki hatene Prezidente Republika mos tenki komprende ,tamba hau sente Prezidente Republika Francisco Guterres ,maka uluk Prezidente Asembleia konstituante, sira mak hakerek konstituisaun,  ne’ebe CNRT uluk laiha tan sira komprende liu konstituisaun ne’e mak hanorin ita atu kumpri konstituisaun, agora ita hotu kumpri konstituisaun”,  hatete Prezidente Partidu CNRT Kay Rala Xanana Gusmão ba Jornalista sira iha PN, Tersa (06/11).

Xanana Gusmão hatutan uluk nia (Xanana Gusmão –red) mos Prezidente RDTL mós nia kumpri no respeita desizaun Parlamentu Nasional nian, tamba ne’e kbi’it Parlamentu Nasional ninia.

“Hau mos uluk Prezidente iha ne’eba mos hau sente dehan katak, hoi hau labele bok  an,  Parlamentu Nasional mos iha ninia kbi’it ,Governu mos iha ne’ebe ,hau labele ba tau kahor hau nia liman ba iha Governu ,entaun ita hotu buka aprende no kumpri e halo fazer kumpri konstituisaun”, lembra Xanana Gusmão.

Iha fatin hanesan Xefe Bankada Partido Libertasaun Popular (PLP), Cornelio Gama “L7”,  dehan razaun deputadus PLP vota kontra viajen PR ba vatikanu ,tamba sira iha komprimisu entre bankada apoiu Governu nian.

“Ami partidu PLP ami nia relasaun konjuntu ida no lia fuan ida katak, amu Papa atu mai Timor ,maibe ita nia Prezidente Republika atu ba fali, ita gasta osan barak, diak liu ita prepara didiak iha Timor para atu simu amu Papa nia vizita mai Timor duke ita ba fali iha ne’eba, mas nia mak atu mai laos ita mak ba fali iha ne’eba”, afirma L7.

Xefe bankada PLP ne’e konsidera kansela Prezidente Republika Francisco Guterres Lú-Olo, laos fo impaktu ba nasaun Timor-Leste ne’ebe maioria relijiaun katolika ,tamba iha ASEAN numeru dahuluk 100% katolika, nasaun Filipina no tuir daruak Timor-Leste.

“Ami PLP nia hanoin amu Papa atu mai Timor-Leste ita prepara orsamentu  tantu lorosa’e loro monu tasi feto no tasi mane, nia keta mai iha Timor karik sei hala’o vizita ba fatin sira seluk, ita bele akompanha ba fatin hirak ne’e para atu haree, ne’ebe nia atu mai tambasa mak Prezidente Republika ba fali, tamba ne’e mak ami vota kontra”, realsa eis veteranu nee.

Nunee mos Xefe Bankada KHUNTO,  Antonio Maria Nobre Amaral Tilman,  hatete , bankada KHUNTO nia desizaun ne’e, sira nia kompromisu, tamba sira nia haree Governu  seidauk la’o diak alias ain tolu, tamba ne’e koligasaun AMP , iha kompromisiu ida hodi foti desizaun katak, wanhira Governu seidauk kompleta sei mantein sira nia pozisaun.

“Ami bankada KHUNTO nia desizaun ne’e ami nia kompromisu ,tamba ami haree Governu ita labele husik hanesan Primeiru Ministru koalia ona katak, ami  nia Governu ne’e la’o ho ain tolu ,entaun ami hanesan koligasaun AMP ami iha kompromisiu ida hodi foti desizaun katak, wanhira Governu seidauk kompleta ami sei mantein ami nia pozisaun”, afirma xefe Bankada KHUNTO.

Nia sujere ba Prezidente Republika atu hakotu impasse politiku iha rai laran nee, Xefe Estadu fo ona tomada de posse ba lista membru govrenu pendenti, nunee Prezidente Republika bele vizita ba rai liur hodi koalia situasaun timor nian. Tos


Banner

Foto

Notisia Ikus

PR Lú Olo promulga OJE Retifikativu 2022

May 19, 2022
Prezidente Repúblika (PR), Francisco Guterres L...

Despede Lú Olo, PM Taur prontu servisu hamutuk ho PR eleitu

May 19, 2022
Primeiru Ministru (PM), Taur Matan Ruak, ho jest...

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker