Primeiru Ministru (PM), Taur Matan Ruak, hateten atu halo remodelasaun, tenke halo uluk avaliasaun ba membru Governu.
Xefe Governu hato’o lia hirak nee ba jornalista sira, Kinta (21/11), hafoin enkontru seminal ho Prezidente Republika, iha Palasio Prezidensial.
Rezultadu Konferénsia Nasionál daruak, Aliansa Mudansa ba Progresu (AMP) iha (16/11/2019) iha sentru formasaun tibar deklara katak sei halo remodelasaun ba Oitavu Governu Konstitusionál.
Xefe orgaun ezekutivu hateten, remodelasaun ne’e nu’udar opiniaun ne’ebé la’o iha públiku, maibé atu realiza presiza halo uluk avaliasaun ba membru Governu sira.
“Ne’e opiniaun ida ke lao mais ita halo remodelasaun tenke halo avaliasaun uluk tanba ne’e ha’u seidauk koalia”, dehan Taur Matan Ruak.
Xefe Governu ne’e mós esplika presiza iha diálogu entre parte hotu, hodi bele hetan solusaun ba impase polítiku ne’ebe akontese iha rai laran.
Nudar Primeiru Ministru, nia konkorda ho Xefe Estadu ne’ebe husu atu halo dialogu.
“Sei la realiza ohin, aban bele realiza, bainrua, baintolu bele realiza persitensia ne’e,” hateten, Xefe Governu Taur Matan Ruak.
Oitavu Governu Konstitusionál forma husi koligasaun Aliansa Mudansa ba Progresu ne’ebé nakfilak ona ba Aliansa Maioria Parlamentar, kompostu husi Partidu CNRT, PLP, KHUNTO, inklui mós UDT no FM. Eus
