GMN TV Economia COVID-19 Loke Timor-oan Nia Neon Hadia Ekonomia Nasaun

COVID-19 Loke Timor-oan Nia Neon Hadia Ekonomia Nasaun

42 views

Prezidente Repúblika (PR), Francisco Guterres Lú Olo, hatete, pandemia COVID-19 hatudu Timor-Leste nia pontu fraka, maibé mós loke Timor-oan hotu nia matan hodi servisu makas liu tan, hodi rekupera fali ekonómia nasaun nian, ne’ebé durante ne’e tama iha faze reseisaun.

Nia afirma, COVID-19 afeta nasaun hotu-hotu iha mundu, nune’e fanu Timor-oan hotu, liu-liu líder nasionál sira atu servisu makas liu tan, oinsá povu bele asesu ba edukasaun, saúde, kampu traballu, bee no saneamentu,  eletrisidade. Nomós oinsá bele hasa’e produsaun rai-laran ho kualidade hodi kompete iha merkadu internasionál.

“Pandemia Covid-19 hatudu ita nia parte fraka, maibe loke mos ita nia neon atu ita hotu buka dalan foun, ba oinsa atu ita bele hadia lalais ita nia ekonomia”dehan PR Lú Olo, liuhosi nia diskursu iha ámbitu komemorasaun Proklamasaun Indepedensia Unilaterál 28 Novembru 1975 ba da-46, Domingo, tinan ne’e, ne’ebé hala’o iha Aldeia Darasula, Suku Gariuai, Postu Administrativu Baucau Vila, Munisípiu Baucau.

Nia mós apela ba membru Governu sira atu servisu maka’as, liu-liu Ministériu Agrikultura no Peskas atu hasa’e produtu lokál ho kualidade, nune’e Timor-Leste bele kompete iha merkadu internasionál.

Apela mós ba kombatente no sobrevivente sira atu hametin unidade nasionál hodi valoriza eroi sira ne’ebé sakrifisiu sira nia an ba TL nia ukun rasik an. Lú Olo husu kombatente no sobrevivente sira maka tenke sai ezemplu diak ba ema hotu, hodi hametin unidade, paz no estabilidade nasionál iha nasaun.

“Ha’u hakarak halo apelu espesial ida ba kombatente sobrevivente sira, atu sai modelu diak ba kompatriota hotu-hotu, maluk sira iha dever atu buka hato’o ba kompatriota sira seluk valores no prinsipiu, tane-metin ita nia unidade nasionál no lori ita ba vitória iha referendum iha 1999, valores no prinsipiu neebé maka brani determinasaun esperitu servisu no kapasidade atu ne’ebé deit ba ita-nia moris diak koletivu iha Timor-Leste livre independente” katak.

Banku Central Timor-Leste (BCTL) mós fó sai katak, TL nia kresimentu ekonomia iha tinan 2020, tun ba negativu porsentu 6, tanba kauza husi gastu orsamentu Estadu no impaktu mós husi pandemia COVID-19.Tos


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker