GMN TV Politika Francisco Jerónimo: Jornalista hotu tama liña frente

Francisco Jerónimo: Jornalista hotu tama liña frente

133 views

Ministru Asuntu Parlamentár no Komunikasaun Sosiál (MAPKOMS), Francisco Jerónimo, hatete, Dekretu Governu ne’ebé Konsellu Ministru aprova foin lalais ne’e, konsidera ba jornalista hotu-hotu, la’os ba balu deit.

“Jornalista ne’e nia lei ne’e ketak, la hanesan sira seluk, ita tenke halo ketak, se halo hanesan ema la simu, ne’e ba prezidente repúblika ne’e la simu. Ami la tau kategoria, ami konsidera jornalista hotu deit, ami la tau editorial ka saida, hotu-hotu ne’e jornalista,” dehan Francisco Jerónimo, hafoin ensera atividade kongresu extra-ordináriu TLPU nian, iha salaun Delta Nova, Sábadu (13/11).

Nia esplika, subsídiu ne’e la hanesan ho subsídiu ida dahuluk nian, tanba subsídiu iha dahuluk ne’e, Governu fó tuir servisu “dia sim dia não” ka loron ida tama loron ida lae.

“Ho ida ne’e maka la presiza hanesan uluk, dez (10). Dez ne’e hanesan buat ida karik ba deit balu, balu seluk laiha ona. Ita-boot sira sente ka iha tinan kotuk. Bazeia ba buat sira ne’e hotu mak, ha’u foti desizaun katak, ha’u hakarak ha’u nia maluk sira ne’e bee tun oitoan hetan hotu” katak governante ne’e.

Kona-ba lista naran ne’ebé média balu hatete, iha limitasaun ba benifisiáriu ba subsídiu, Ministru ne’e husu jornalista sira, karik iha informasaun sira hanesan ne’e, presiza informa ba nia.

No governante ne’e dehan, subsídiu ne’ebé Governu sei apoiu ba profisionál jornalista sira ne’e depende ba lista ne’ebé hato’o husi mídia ida-idak.

“Subsídiu ne’e depende ba lista ne’ebé husi parte imprensa sira hato’o mai, hanesan média sira hato’o mai ami, ami la ko’a kaer mak lista sira ne’e” hakotu.

Projetu Dekretu Lei ne’e, Konsellu Ministru (KM), aprova ona iha loron 11, fulan Novembru ne’e, kona-ba kriasaun subsídiu profisionál sira ne’ebé dezenvolve atividade jornalístika hodi kontribui ba prevensaun no kombate COVID-19, iha territóriu nasionál. Subsídiu ne’e prevee kada jornalista ida sei hetan USD 5.00 kada loron ida, husi fulan Abril to’o Dezembru tinan ne’e.

No sei haruka ba Prezidente Repúblika (PR) Francisco Guterres Lú Olo, iha Segunda (15/11).clm


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker