GMN TV Politika Governu aprova pagamentu suplementár ba funsionariu no ajente MF

Governu aprova pagamentu suplementár ba funsionariu no ajente MF

368 views

Governu sei halo pagamentu suplementár ba funsionáriu no ajente sira iha Ministériu Finansa (MF) ne’ebé servisu, ba prosesu preparasaun  orsamentu jerál estadu (OJE) tinan 2022.

Maske funsionáriu, no ajente sira ne’ebé servisu, iha ministériu Finansas (MF) simu saláriu kada fulan, hodi ezekuta servisu ministériu nian, ne’ebé mak iha ona.

Maibé Ministru Finansas (MF) Rui Augostu Gomes, aprezenta tan projetu dekretu Governu nian, iha KM kona ba pagamentu suplementár ne’e no hetan ona aprovasaun, hodi ezekuta halo pagamentu.

“Ohin propoin no hetan aprovasaun husi konsellu ministru, pagamentu suplementár ba funsionariu no ajentes sira, ministeriu finansas nian, ne’ebé mak halo servisu hodi prepara orsamentu sira no sira ne’ebé mak tenki servisu wainhira tinan ne’e remata hodi taka konta jerál  estadu nian, suplementu ne’e destina espesial ba iha funsionariu sira ministeriu finansas nian, hirak ne’ebé mak servisu hodi prepara orsamentu no hodi taka konta jerál estadu nian”. Hateten Ministru Prezidensia Konsellu Ministru, Fidelis Manúel Leite Magalhaes (MPKM), iha Palasiu Governu Díli, semana ne’e.

Enkuantu projetu dekretu Governu nian, konaba pagamentu suplementár, atu kompensa volume servisu, estraordináriu ne’ebé ejije funsionáriu no ajente sira, ne’ebé halo bo’ot liu, kompara ho servisu sira iha periodu normál.

“Suplementu ida ne’e ho objetivu atu kompenza volume extra-ordináriu servisu husi funsionariu no ajente sira Ministeriu Finansas nian, ba prosesu ne’ebé ejije no rekonese katak, iha jornada servisu ida, ne’ebé bo’ot liu kompara ho periodu normal ne’ebé prevee iha lei”.  Hatutan Fidelis.

 Maske nune’e, porta voz Governu ne’e, la hateten, funsionáriu no ajente sira husi MF, nian na’in hira mak atu hetan, pagamentu Suplementár ne’e, no kada ema ida hetan montante hira.

Alénde ne’e, Ministru Finansas Rui Augostu Gomes mós, aprezenta projetu dekretu lei rua, no hetan ona aprovasaun.

Projetu dekretu lei rua ne’e mak, konaba pagamentu extraordinariu husi salariu adisionál, fulan ida nian, ka desimu terseiru ba funsionariu, ajente no kontratadu sira, iha administrasaun Públika.

No mós projetu dekretu lei, konaba alterasaun dahuluk, rejime jurídiku parseria públiku no privada ba portu Tibar.Ags

 

 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker