GMN TV Capital Governu foin muda vítima DN ba uma-kost

Governu foin muda vítima DN ba uma-kost

170 views

Governu liu husi Prezidente Autoridade Munisípiu (PAM) Díli ho ekipa foin muda vítima Dezastre Naturál (DN) ne’ebé deslokadu iha kampu Manleuana ba uma-kost ne’ebé autoridade indentifika ona.

Desizaun foin muda vítima sira ne’e, hafoin akontese udan ho intensidade ne’ebé nato’on iha loron Sábadu (13/11) ne’e, iha ne’ebé hamosu bee-sa’e iha fatin deslokasaun.

“Tanba antisipa horiseik loraik nian to’o ikus sira konsege fura tiha moru hodi bee labele nakonu iha ne’e. Ne’ebé horikalan ami iha ne’e to’o tuku sanulu resin, ami konsege hasai família deslokadu seis família, liu-liu ba sira ne’ebé idade idozu nian ho labarik ki’ik no feto sira ne’ebé isin rua” informa PAM Díli ne’e, ba jornalista sira Domingu (14/11), iha Kampu Futeból Real Madrid Manleuana.

Família vítima ne’ebé ekipa lori uluk ba kost, iha área Lisbutak família rua no Lemokari família haat, hamutuk família neen mak evakua kedas iha Sábadu kalan.

“Atu hakarak ka lakohi sira ne’ebé ohin (horiseik) iha ne’e ami sei muda tuir instrusaun ne’ebé mai husi sua exelénsia Ministru Administrasaun Estatal. Ohin fixu, ne’e mak ha’u nia hakarak ohin (horiseik) sira tenke sai” dehan nia.

Deslokadu sira husu ba instituisaun Estadu atu koopera, bainhira hasai deslokadu sira, husi kampu Futeból Real Madrid no iha deslokadu balun iha rate-ain. Sira mós husu Governu kria lalais bairo foun, tuir promesa ne’ebé Governu promete ona.

“Nu’udar deslokadu la aseita ho ida ne’e, tanba horikalan sira mai ne’e hanesan sistema ditadura mai ho obrigatóriu de’it. Ami lamenta tanba Ministériu Solidariedade Sosiál ho Sekretáriu Estadu Protesaun nian laiha liña koordenasaun, tanba husi MSS nian dehan ami muda ba kost, depois husi Protesaun Sivíl nian dehan labele” dehan Joni da Cruz.

Deslokadu iha fatin rua ne'e hamutuk 48, kompostu husi Kampu Real Madrid família 41 no Rate-Ain iha família na’in 7.avi


Banner

Foto

Notisia Ikus

Xanana ko’alia relasaun Uniaun Europeia ho Indo-pasífiku

June 27, 2022
Reprezetante Espesiál Timor- Leste ba Ekonomia ...

STAE hahú halo preparasaun ba Eleisaun Parlamentar 2023

June 27, 2022
Sekretariadu Administrasaun Eleitoral (STAE) hah...

PM no Vise PM nain rua la partisipa iha aprezentasaun programa 2023 ba PR

June 27, 2022
Membru Governu iha semana kotuk aprezenta progra...

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...
1 2 3 740

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker