GMN TV Capital Governu identifika fatin tolu ba vítima DN hela provizóriu

Governu identifika fatin tolu ba vítima DN hela provizóriu

118 views

Prezidente Autoridade Munisípiu Díli, Guilhermina Filomena Saldanha, informa, Governu sei muda vítima Dezastre Naturais (DN) sira iha sentru evakuasaun ba uma kost provizóriu fatin tolu ne’ebé identifikadu ona.

Uma kost ne’ebé Governu prepara ba deslokadu sira ne’e, kondisaun seguru, tanba sei kompleta ho bee-moos, eletrisidade no seguransa.

“Ami identifika ona fo-foun 142, maibé depois ekipa tun ba terrenu ba identifika balun sasan mak iha ne’ebé laiha na’in la hatene ba ne’ebé? entaun ami foti de’it 137 familias ne’ebé agora dadauk sei iha hela fatin deslokadu,” dehan Prezidente Autoridade Munisípiu Díli ne’e ba GMN, iha salaun Sentru Formasaun Polísia Comoro, Segunda (08/11).

Husi família vítima 137 ne’e, iha vítima na’in 69 mak hein deit desizaun husi Governu hodi ba hela iha kost, no na’in 70 mak hakarak fila ba sira nia munisípiu orijen, no balu kontinua hela iha Díli.

Ekipa husi autoridade Munisípiu Díli nian ba haree ona, hein deit Sekretária Estadu Protesaun Sivíl (SEPS) atu apoiu materiál konstrusaun sira, nune’e bele harii sira nia uma.

Vítima sira ne’ebé dadaun ne’e hela iha sentru evakuasaun iha fatin neen mak hanesan iha Sede Suku Manleuana, rate ain besik eskola Canossa, Meti-out, Hera no salaun Dom Bosco Comoro no kampu Real Madrid Manleuana.Ina 


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker