GMN TV Politika Governu-parseiru internasionál prepera konseitu ba atuasaun tráfiku umanu

Governu-parseiru internasionál prepera konseitu ba atuasaun tráfiku umanu

38 views

Primeiru Ministru (PM) no Ministru Interior (MI) Taur Matan Ruak, konvoka reuniaun ida hamutuk Ministru Prezidénsia Konsellu Ministru, Vise Ministru Interior, Embaixadór Austrália iha Timor-Leste, Organizasaun Internasionál Migrasaun (IOM-sígla portugés), Organizasaun Nasaun Unida (ONU) deskute kona-ba oinsá halo prevensaun ba krime tráfiku umanu.

Husi reuniaun ne’e, Governu no parseiru internasionál sira prepera ona nota konseitu ida ba iha atuasaun imediata durante fulan lima nia laran, durante kompeténsia MI nian, kona-ba kombate krime tráfiku umanu.

“Espera katak, hafoin fulan lima ne’e remata, ita bele iha sinérjia, katak kadalak ki’ik sira, esforsu ki’ik sira sei suli hamutuk sei sai mota boot ida ne’ebé maka sei kulmina rejultadu iha esforu integradu Governu nian,” dehan Ministru Prezidénsia Konsellu Ministru, Fidelis Leite Magalhães, Segunda (15/11), iha Faról-Díli.

Krime tráfiku umanu sai foku importante iha nasaun hotu-hotu, iha ne’ebé ligasaun ho krime organizadu, eskravidaun moderna. Liu husi sorumutu ne’e, bolu atensaun ba Departamentu ida-idak iha instituisaun Governu sira, oinsá hasa’e sira nia esforsu kombate krime ne’e.

Ministru Prezidensia Konsellu Ministru, Fidelis Leite Magalhães hatete, reuniaun ba dahuluk ne’e foka liu ba knaar Ministériu Interior nian. “Mais agora ne’e hanesan asaun imediatu ne’ebé mak relevante ba Ministériu Interior, em kolaborasaun ho IOM, ONU ho mós parseiru ita-nian Governu Austrália ho nia Departamentu relevante sira,” katak Fidelis.

Nia esplika, Governu TL mós hari’i tiha ona komisaun interministerial ida ne’ebé nia servisu integradu liu-ba tráfiku umanu, ne’e mak iha Ministériu Justisa nia okos.

“Ida ne’e mak depois sei tau, koordena esforsu hotu-hotu, Departamentu ketak-ketak Governu nian, para bele prodúz planu asaun nasionál ida ou national action plan iha tempu oin mai” katak.Ags


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker