GMN TV Capital Governu sei muda vítima DN ba hela iha kost

Governu sei muda vítima DN ba hela iha kost

196 views

Vítima Dezastre Naturais (DN) ne’ebé sei hela iha kampu refuziadu kampo Real Madrid Manleuana, Governu sei muda ba hela provizóriu iha Kost ne’ebé prepara ona.

Maibé desizaun ne’e, iha família balun la konkorda atu sai husi fatin ne’e ho razaun kost ne’ebé Governu prepara klo’ot ho medida 3x3, no labele akumula vítima ne’ebé ho família barak.

“Ami hanesan vítima inundasaun sente preokupa tebes duni kona-ba hela fatin, tanba fulan 7 ona ami kontinua hela iha kampu ne’e, tanba ne’e ho Governu liu husi Autoridade Munisípiu Díli nian ne’ebé hakarak prepara fatin kost ne’e ami sente diak, maibé iha família balun lakohi sai, tanba fatin ne’ebé Governu prepara ho medida ki’ik tebes atu akumula família sira,” informa Koordenadór Sentru Evakuasaun Kampo Real Madrid Manleuana, Jose Abrão Tane.

Autoridade Munisípiu Díli halo ona enkontru ho vítima no kost na’in sira, nune’e iha tempu badak bele lori vítima sira ne’e ba hela iha kost, tanba atualmente Timor-Leste tama ona ba tempu udan.

“Adjuntu Autoridade Munisípiu Díli nian mai halo enkontru ho vítima inundasaun no mós kost na’in sira ne’ebé prepara fatin provizóriu ba vítima inundasaun sira atu hela, tanba ita hare iklima iha ita-nia rai mós komesa udan ona. Fatin kost ne’ebé kost na’in prepara fulan-fulan Governu mak sei selu to’o sira hetan fatin” katak Xefe Aldeia Lemokari, Estaque Tilman.

Vítima DN ne’ebé kontinua hela iha sentru evakuasaun Kampo Real Madrid hamutuk Xefe Família 48.aba


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker