GMN TV Politika Komisaun E: Ró Berlin Ramelau la mai tanba Governu falla iha koordenasaun

Komisaun E: Ró Berlin Ramelau la mai tanba Governu falla iha koordenasaun

72 views

Ro Berlin Ramelau ne’ebé antes ne’e Governu promete atu mai iha fulan Setembru adia ba Outubru, hosi Outubru adia tanba Novembru, maibe to’o fali fulan Novembru nia rohan, Ministru Transporte no Komunikasaun, José Agostino,  deklara tan, ró refere sei adia hikas to’o iha Timor-Leste iha fulan Dezembru.

Ho deklarasaun hosi governante ne’ebé laiha serteza ba povu Oe-cusse atu bele iha transporte marítima ne’ebé substitui Ró Nakroma ne’ebé presiza ba halo manutensaun, deputadu komisaun E, Domingos de Carvalho, konsidera, falla iha liña koordenasaun, ho nune’e fó sai deklarasaun la serteza hodi bosok públiku.

 “Setembru muda ba Outubru, depois muda ba Novembru, depois agora dehan mudan tan ba Dezembru, keta halo ba Dezembru ne’e mós muda tan ba Janeiru ka Febreiru  tinan oin karik ita lahatene, tanba tuir ita nia osan ne’ebé tau hodi hola ró ne’e, kobre ona 80% mak fó ona, maibe falta 20% mak seidauk, 20% ne’e ita haree katak kuaze 3 milloens euros, ita halo balansu ba dollar karik pelu menus USD 4,500  hanesan ne’e, mak seidauk selu. Se seidauk selu ne’e oinsa mak ita bele fó jaminan katak ró ne’e sei bele to’o mai iha fulan Novembru ka Dezembru, ne’e hanesan mós buat polítika hateten katak ró ne’e sei to’o iha ida ne’e –ida ne’e, mas tuir ami nia observasaun ne’e, dalaruma ró ne’e seidauk bele mai, tanba seidauk selu hotu,        Agora fila ba MTK mak atu rezolve problema ne’e. Husu MTK atu bele selu ona metade ne’ebé seidauk selu ne’e, haree selu ona, para ró ne’e bele mai, sela’e ita dehan ró ne’e atu mai iha Setembru to’o fali Dezembru mós ‘Belum Tentu’ tanba ita seidauk finalize pagamentu, ema seidauk autoriza ró ne’e atu mai, osan ne’e tau tiha ona, MTK mak jere oinsa para ró ne’e mai duni.”dehan.

Antes ne’e, Ministru Transporte no Komunikasaun, José Agostino, deklara,  ró Berlin Ramelau ne’e termina ona nia konstrusaun nune’e, sei to’o iha Timor-Leste iha fim fulan Novembru nian, maibe Tersa semana ne’e, governante ne’e deklara tan ba media katak, Ró Berlin Ramelau ne’e sei adia no mai fali iha Dezembru, tinan ne’e, tanba impaktu hosi pandemia COVID-19.

Ró Berlin Nakroma 2 ne’ebé Governu atribui naran ró Berlin Ramelau,  konstrói iha Xina, ho apoiu orsamentu hosi Alemaña hamutuk euro 7,8 no Governu Timor-Leste responde euro millaun 7,1.

Kustu ba ró refere,  Governu Alemaña halo hotu ona pagamentu, maibe Governu Timor-Leste foin halo pagamentu 35%, sei hela 15% mak seidauk halo pagamentu, nune’e impede ró refere ladauk to’o iha Timor-Leste.

Relasiona ho asuntu ne’e, GMN tenta atu konfirma ho Prezidente APORTIL, maibe la konsege, tanba Prezidente okupadu ho servisu.Say


Banner

Foto

Notisia Ikus

PR Lú Olo fó Indultu ba Prizioneiru 11 no Kondekora Asua’in 52

November 29, 2021
Prezidente Repúblika (PR) Francisco Guterres L...

COVID-19 Loke Timor-oan Nia Neon Hadia Ekonomia Nasaun

November 29, 2021
Prezidente Repúblika (PR), Francisco Guterres L...

Lú Olo “rekoñese” Xanana mak hato’o Planu da Paz ba ONU hakotu konflitu iha TL

November 29, 2021
Prezidente Repúblika (PR), Francisco Guterres L...

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...
1 2 3 666

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker