GMN TV Politika MTK promete dala rua ona kona-ba ró Berlin Ramelau

MTK promete dala rua ona kona-ba ró Berlin Ramelau

84 views

Ministru Transporte no Komunikasaun (MTK), José Agustinho da Silva kontinua nia promesa kona-ba ró Berlin-Ramelau, ne’ebé finansia fundu husi Governu Timor-Leste no Governu Alemaña, hodi konstrui ró ne’e iha Xina.

Promesa governante ne’e nian ba dala rua ona katak ró Berlin-Ramelau sei to’o mai TL iha tempu besik. Promesa dahuluk kona-ba ró ne’e, iha loron 16, fulan Setembru tinan ne’e. Iha ne’ebé Jose Agustinho promete, ró Berlin-Ramelau sei to’o TL iha loron, 11 fulan Outobru tinan 2021, maibé liu ona fulan ne’ebé nia promete, ró ne’e seidauk mai.

Promesa daruak mak, iha loron 23, fulan Novembru ne’e katak, Berlin-Ramelau sei to’o TL iha inísiu fulan Dezembru tinan ne’e, hodi bele fasilita komunidade sira iha Rejiaun Administrasaun Espesiál Oe-cusse Ambeno (RAEOA) no Ataúro, halo movimentu ba-mai Díli.

“Ró-ahi ne’e sei to’o iha inísiu Dezembru, entaun ida ne’e ita-hotu nia espetativa, maibé ita espera labele iha impedimentu ruma, para ró-ahi ne’e bele to’o ona, nune’e bele fasilita, asegura ita-nia konetividade Díli-Ataúro, Díli-Oecusse,” promete José Agustinho, hafoin hasoru malu Primeiru Ministru Taur Matan Ruak, iha Díli.

Nia argumenta, ró ne’e mai tarde impaktu husi pandemia COVID-19, tanba nasaun hotu iha nia régra rasik, oinsá regulariza ema tama-sai, sasan no transporte sira.

“Laiha situasaun ruma ne’ebé mak bele impede, liu-liu iha ema-nia laran ne’ebá ita hotu hatene katak, situasaun pandemia, nasaun ida-idak iha nia regra rasik, oinsá mak regulariza ema sira ne’ebé tama sai, ne’e restruitu tebes sira nia kontrolu ne’e, entaun situasaun sira ne’e mak implika ba adiantamentu” katak.

Antes ne’e mós, Prezidente Autoridade Portuária Timor-Leste (APORTIL) Flávio Cardoso mós hatete, ró Berlin-Ramelau sei to’o iha fulan Novembru ne’e.

Maibé Governu TL seidauk selu hotu ninia obrigasaun ba ró Berlin-Ramelau kuaze millaun USD 4, tanba ne’e mak ró ninia konstrusaun konklui ona, maibé seidauk bele mai.

“Ikus liu maka ne’e ita mos tenki kumpri ita nia responsavél balu ne’ebé maka, klaru mensiona iha kontratu ne’ebá, tanba ne’e mak APORTIL ho ekipa ne’ebé mak iha tenta organiza ho CNA para finansa, orsamentu ba ró refere, Governu Alemaña 50%, no ita Governu Timor-Leste 50%, agora Governu Alemaña kuaze selu hotu ona, hela USD 152 Mil, agora Governu Timor-Leste hela 3.5 Milloens Euro, ne’e kuaze USD 4 Milloens de Dolar Amerikanu, ita kuaze selu ona ba ró refere 75%, ha’u bele dehan atinje ona 80%,” esplika Prezidente APORTIL, ba GMN, iha nia kna’ar fatin, Segunda (18/10).

Informasaun ne’ebé Jornal Nacional Diário (JNDiário) asesa husi https://www.vesselfinder.com/?imo=9911393 hatudu, ró Berlin-Ramelau sei kontinua para hela iha Portu Yang Shang Port Xina.

Ró Berlin-Ramelau nia númeru rejistu (International Identification Number-IMO) 9911393, no (Maritime Mobile Service Identity-MMSI) hanesan ró Cargo Pasajeiru ka Ro-Ro. No dadauk ne’e valeja (berlayar) iha Bandeira St. Vincent no Grenadies. No nia Call Sign ka (tanda panggilan) J8B6185.

Ró ne’e Governu TL liu hosi MTK, assina akordu ho Governu Federál Alemaña no empreza Estaleiru Navál “Damen”, iha loron 31, fulan Maiu, tinan 2019, hodi hahú konstrusaun ba ró Berlin-Ramelau.

Investimentu ba ró Berlin-Ramelau, Governu Alemaña investe Euro milaun 7 no Governu TL investe milaun USD 14,8.

Berlin-Ramelau lansa ona ba tasi-leten dahuluk iha Xina, nu’udar ró daruak TL nian, hodi tula pasajeiru nasionál. Ró ne’e nia medida luan metru 16, calado (sarat air kapal) 3,3, komprimentu metru 67,3, (tuir Governu TL) altura metru 4,8 ho kapasidade tula ema 380. No tuir planu ró ne’e hahú nia operasaun iha tinan ne’e, ho nia rute Díli, Manatuto, Baucau, Lospalos no Viqueque.Ags


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker