GMN TV Politika PN Kestiona Ezekusaun OJE MEJD ba Infraestrutura “Zero”

PN Kestiona Ezekusaun OJE MEJD ba Infraestrutura “Zero”

97 views

Prezidente Komisaun G, ne’ebé trata asuntu Edukasaun Juventude no Desportu, Deputadu António Verdial, hatete, tinan fiskál 2021 remata ona, no fulan oin hahú debate Orsamentu Jeral Estadu (OJE) tinan 2022, maibé ezekusaun infrastrutura sei zero.

Nia esplika, durante komisaun G hala’o fiskalizasaun iha munisípiu sira,  la identifika konstrusaun edifisiu eskola no sala foun iha baze.

No tuir programa Ministériu Edukasaun Juventude no Deportu (MEJD) ba tinan 2021, sei kontrui eskola hahú husi pre-eskolár to’o ensinu sekundária jerál no tékniku vokasionál hamutuk 221.

“Fikalizasaun ikus ne’ebé Parlamentu halo ba iha terernu espesialmente iha rai-Ainaro, wainhira to’o iha fatin hirak ne’e, ami nota katak ezekusaun dezenvolvimentu fisik ne’e sei zero, maibé wainhira surumutu liu hosi audiénsia ne’ebé exelénsia  Ministru, Vise Ministru no Diretór Jerál mai iha ne’e, hatete katak prosessu identifikasaun iha terrenu prosesu adminstrasaun iha terrenu lao hotu ona, dehan katak, sira transfre orsamentu ne’e ba iha grupu komunitáriu ne’ebé atu halo mão de obra ne’e, halo eskola hirak ne’e. Maibé ha’u atu hatete katak, administrativamente no vervalmente ministeriu hato’o ona dokumenstus mai, iha tempu ida ne’e tanba iha audensia deputadu ne’ebé hala’o knar Komisaun Funsaun Publiku seidauk tun ba halo fiskalizasaun. Maibé informasaun ne’ebé ha’u rona no horseik ha’u iha Baucau hori-bairua ha’u iha Ermera ha’u hetan informasaun liu hosi bibaban konsolidasaun partidariu nian, informasaun ne’ebé ha’u rona dehan katak, seidauk iha grupu komunidade nia liman, ha’u espera katak Governu bele halo netik eskola ida atu nune’e bele hatudu katak halo duni,” dehan Deputadu ne’e, iha PN, Segunda (29/11).

Deputadu Bankada PD, Antonio da Conceição ‘Kalohan’ mos krítika maka’as Governu, liu-liu MEJD, tanba laiha liña kordesaun diak ho parte sira. Tan ne’e nia konsidera Governu laiha kapasidade.

Nia mós lamenta, Ministériu Administrasaun Estatál (MAE), liu hosi Programa Nasionál Dezenvolvimentu Suku (PNDS) mak harii fali eskola iha Munisípiu balu, maibé MEJD lae.

“Ha’u haree hanesan pesangplokan kekuasaun husi Mistériu Estatal ninia hasoru fila-fali Minstru Edukasaun, agora PNDS, harii tiha eskola, ha’u ho Presidente Parlamentu Nasionál ba inagurasau eskola iha Darsula atu ba Ostiku ninia. Ami rua inaugura eskola  ne’ebá sr. minstru edukasaun la iha, ho ida ne’e Estatal banga los, tanba PNDS mak halo eskola ne’e hanesan pesangplokan, ita la iha ona kordenasaun ne’ebé mak diak, entaun ministeriu ida nebe devia hola resposavilidade ba ninia area ne’e fo fila fali ida seluk, ho intensaun tanba deit osan iha hela PNDS nia liman, osan iha PNDS ne’e mos tenke ser ba husi ministeru da edukasaun , ne mak foin bele justifika” kestiona Kalohan.

Antes ne’e, MEJD Armindo Maia afirma, ministériu labele implementa programa sira hotu, tanba sistema burokrasia ne’ebe komplikadu iha Ajensia Dezenvolvimentu Nasionál (ADN).

Planu ointavu Governu nian ba tinan ne’e, sei harii eskola hamutuk 221, implementasaun projetu sira ne’e iha munisípiu sira seluk hamutuk 196, no Díli sei hari’i eskola 16.

Projetu sira ba konstrusaun eskola ne’e nia BoQ, aprova ona husi Ajénsia Nasionál Dezenvolvimentu (ADN), ho nia montante orsamentu millaun USD 20 resin, ne’ebé sei konsetra ba infraestrutura no transparénsia públika.

Husi projetu 221 ne’e, iha eskola balun halo deit rehabilitasaun, no balun konstrui foun, eskola sira ne’e mak nível pre-eskolar, sekundáriu jerál no tékniku profesionál.

Dadus ejekusaun OJE 2021 ne’ebé GMN asesa husi portál transparénsia Ministériu Finansa hatudu, MEJD ejekuta ona osan hamutuk porsentu 83.8, husi orsamentu alokadu millaun USD 106,341,251.40.GMN


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker