GMN TV Economia Semana oin, MF halo pagamentu ba liña frente iha munisípiu 11

Semana oin, MF halo pagamentu ba liña frente iha munisípiu 11

1,559 views

Ministru Finansa (MF) Rui Augusto Gomes, informa, Governu sei halo pagamentu ekipa liña frente iha munisípiu 11, la inklui Díli ho Rejiaun Autónomu Espesiál Oe-cusse Ambeno (RAEOA). Munisípiu Díli no RAEOA seidauk halo pagamentu, tanba lista sei iha faze verifikasaun.

Governante ne’e afirma, prosesu verifikasaun ne’e lori tempu naruk, tanba ema ne’ebé la’os liña frente, hakarak simu hotu subsídiu hanesan ho médiku sira.

“Iha semana oin traballadores liña frente, autoridade lokál sei hetan pagamentu, ida ne’e envolve traballadór sira ne’ebé mak liña de frente iha 11 munisípiu, ita sei iha problema oituan ho RAEOA no mós Díli, tanba sei hein relatóriu ezekusaun tinan kotuk nian ne’ebé seidauk tama iha to’o agora, tanba ne’e mak presiza kuidadu no importante atu verifika didi’ak dadus ne’e,” katak governante ne’e, hafoin audiénsia iha PN Kuarta (10/11).

Kestaun pagamentu ba Catering ho alojamentu sira, Governu halo ona pagamentu ho montante osan millaun USD 4,4. Infelismente surtu COVID ne’ebé akontese iha tinan ida ne’e, maka ita rejista osan ne’ebé ita aloka inisialmente la to’o, entaun ita presiza halo viromen dentru propriu sub-programa, iha programa ida de’it.

“Tanba ne’e mak atu halo pagamentu ba sira mós, tanba osan ne’e sa’e maka’as, mak tenke revee fila-fali kontratu ida-idak, antes ita desblokeia orsamentu” katak Rui.

No osan ne’ebé sei desblokeia iha tempu badak hamutuk USD millaun 8, ida ne’e mak sei halo pagamentu iha tinan ida ne’e nia laran, tanba dokumentu no kontratu sira ne’e revee hela iha Ministériu Saúde.

Lista servisu liña frente médiku no enfremeiru ne’ebé durante ne’e servisu iha izolamentu sira, sei submete ba MF iha semana ne’e, hamutuk 7.947.

“Ida ne’e mak sei hetan pagamentu iha tempu badak, tantu ne’e sei la husik ba tinan oin, ida ne’e halo iha tinan ida ne’e nia laran” dehan membru Governu ne’e.

Prosesu verifikasaun no pagamentu ba ekipa liña frente ne’e, bazeia ba dekretu lei númeru 13/2021, iha ne’ebé hatete, pagamentu sira ne’e tenke priense kritériu tolu, dahuluk tenke iha despaxu hosi ministériu tutela, se ministériu tutela la fó despaxu kona-bá pesoál ne’ebé envolve iha atividade ne’e, maka MF labele halo pagamentu.

Kritériu daruak mak haree ba lista prezensa no datoluk mak tabela pagamentu ne’e rasik, por ezemplu se tabela ne’e konta bankária laiha, IBAN sala hakarak ka lakohi tenke devolve.

Enkuantu ezekusaun ba fundu COVID-19 ne’ebé aloka iha Orsamentu Retifikativu tinan 2021 nian millaun USD 287 ne’e foin atinje ona porsentu 43.Say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker