GMN TV Politika Veteranu “falsu” rihun 2 resin sei hatan iha tribunál

Veteranu “falsu” rihun 2 resin sei hatan iha tribunál

1,384 views

Ministériu ba Asuntu Kombatente Libertasaun Nasionál (MAKLN), deteta ona veteranu falsu 2.088, no veteranu falsu sira ne’e sei ba hatán hotu iha tribunál. Tanba la partisipa iha funu, no la’os veteranu maibé benifísia osan povu nian.

“Veteranu mak halo ema falsu sai veteranu halo ministériu ulun moras, halo kanselamentu ema rihun 2.088, ba dadus 2003, ami kansela salva povu no Estadu nia osan labele sai, tanba la veteranu rejistu sai veteranu hodi manan osan no ministériu sei tetu ba justisa imi veteranu sira oin sei a’at, sei triste Meta-Mali tega duni lori nia maluk veteranu ba tribunal,” dehan Ministru Asuntu Kombatente Libertasaun Nasionál, Júlio Sarmento “Meta Mali”, iha nia mensajen, bainhira akompaña Prezidente Repúblika Francisco Guterres Lí Olo, halo diálogu ho komunidade iha Munisípiu Ainaro.

Membru Governu ne’e apela ba nia funsionáriu hotu, atu hala’o servisu ho imparsialidade, trasparánsia tuir prosesu no regulamentu ne’ebé estabelese ona.

“Ha’u husu ba ita boot sira servisu ho parsialidade (lolos imparsiál), servisu ho esperansa ho fiar tomak ne’ebé ita luta 24 anos, labele prienxe formuláriu veteranu hodi tulun ema seluk” dehan.

Nia hatete, Governu iha ona polítika kona-ba rekolla dadus sira kada uma-lisan, atu bele hatene nia ema hira mak mate durante funu laran. Bainhira rekolla dadus sira ne’e termina, Governu sei hari’i monumentu kada uma-lisan ida, iha territóriu nasionál.

“Governu planu atu hari’i iha postu 65 iha Timor laran tomak, tanba ne’e mak rejistu uma-lisan sira atu ferik ka katuas, labarik ka kiik ka bo’ot, Estadu sei dignifika nia naran iha monumentu ne’e, Ministériu ba Asuntu Kombatente Libertasaun Nasionál, sei la tau ema sira ne’ebé uluk apoiu militár Indonézia, hodi ba tiru malu iha ai-laran” tenik.

Antes ne’e Sekretáriu Estadu Asuntu Kombatente Libertasaun Nasionál (SEAKLN), Gil da Costa Monteiro “Oan Soru”, hatete, Governu liu husi SEAKLN rasik hapara ona subsídiu ba veteranu falsu 2.088 ne’e, tanba liu husi verifikasaun, deteta fali veteranu sira ne’e falsifika dokumentu hodi benefísia osan Estadu hahú husi tinan 2008.

Tuir dadus ne’ebé fó sai husi MAKLN, dadaun ne’e veteranu ne’ebé ativu hodi simu osan kada fulan, hamutuk 27.000.Tos


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker