GMN TV Politika AMP sei la retira mosaun sensura

AMP sei la retira mosaun sensura

0 views

Deputadu bankada CNRT, Dionísio Babo, hatete, deputadu opozisaun husi Bloku Aliansa Maioria Parlamentar (AMP) sei la retira mosaun sensura ne’ebé iha hela ona meja Parlamentu Nasional (PN) atu diskute, maske Xefi Governu, Mari Alkatiri, insiste atu retira hafoin aprezenta programa daruak ba PN.

Deputadu bankada CNRT, Dionísio Babo hatete ba jornalista sira iha Parlamentu Nasionál, Kuarta (06/12/2017), relasiona ho mosaun sensura ne’ebé sira hatama ona loron hirak liu ba ho nia andamentu tomak.

 Deputadu Dionísio Babo, esplika, mosaun sensura nia dalan ikus mak tenke deside iha debate plenária nian. Tanba ne’e, AMP lakohi atu retira mosaun sensura ne’ebé aprezenta ba VII Governu, relasiona ho prosesu formasaun governu no aprezentasaun programa tarde ba PN.

 “Ami agora hein hela Prezidente Parlamentu Nasionál ho líder bankada sira atu diskute ajenda ba plenária nian, agora la’os ona desizaun AMP nian atu halo retira, tanba mosaun ne’e hein de’it ona atu diskute,”hateten Babo.

 Iha biban seluk, deputadu husi bankada KHUNTO, José Agostino da Silva, reforsa, mosaun refere halo liu hosi desizaun koletiva AMP nian, tanba ne’e sei la iha dalan atu retira, AMP hein prosesu ajendamentu ba mosaun sensura no rekursu iha plenária.

Bloku opozisaun AMP aprezenta mosaun sensura ne’e ho elementu fundamentu barak ho aspetu ekonómiku no aspetu polítiku nian.

 “Ami firme ba desizaun ne’ebé AMP deside hodi hatama mosaun sensura, tanba ne’e laiha tempu atu halo retira ba mosaun sensura. Tanba ne’e ami nafatin husu ba Prezidente Parlamentu Nasionál atu tau ajenda hodi diskute ba asuntu hirak ne’e, plenária mak sei deside atu kontinua ou lae, maibe AMP sei la mundur nia pozisaun ho deklarasaun PM Mari Alkatiri nian,”esplika José Agostino.

 Antes ne’e, Primeiru Ministru, Marí Alkatari husu ba Bloku AMP iha Parlamentu Nasionál, atu retira mosaun sensura ne’ebé aprezenta hasoru Governu dahitu, hafoin aprezenta fali programa daruak nian ba Parlamentu Nasionál atu diskute.

 Programa dahuluk halo diskusaun iha Parlamentu Nasional iha fulan Setembru liu ba, maibe la passa ho votus kontra 35 no a favor 30.

 Antes ne’e mós, adjuntu Primeiru Ministru asuntu governasaun, José Reis, deklara, Prezidente Parlamentu Nasional iha kompetensia atu ajenda mosaun ba plenária ou lae.

 Enkuantu, mosaun sensura refere Bloku AMP aprezenta iha fulan kotuk (Novembru) inklui rekursu ba Orsamentu Retifikativu no destituisaun ba pozisaun Prezidente Parlamentu Nasionál Aniceto Guterres Lopes.Say


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker