GMN TV Politika BOAMP garante OR sumba sei laiha efeitu

BOAMP garante OR sumba sei laiha efeitu

0 views

Bloku Opozisaun Aliansa Maioria Parlamentar (BOAMP), garante Orsamentu Retifikativu (OR) sumba iha Parlamentu Nasional sei la iha efeitu ruma, tanba deliberasaun ba orsamentu 2017 válidu to’o loron 31 Fulan Dezembru de’it, deklara deputada CNRT, Virgina Ana Belo liu hosi konferensia imprensa ne’ebé hala’o iha PN, Kuarta (20/12/2017).

 Tuir BOAMP, Estadu Timor-Leste sei iha Orsamentu Jeral Estadu 2017 sei iha 200 milloens  sei posível ezekuta iha semana rua fulan Dezembru nia laran.

 AMP mós argumenta, razaun kontra Orsamentu Retifikativu, tanba tuir AMP saldo OJE 2017, sei balansu kuaze millaun 265 dolar Amerika, tuir lei jestaun finanseira, bele jere tuir artigu 37 hodi taka orsamentu ne’ebé Ministériu ka orgaun autónomu balun.

“Atu kobre no assegura Estadu Timor-Leste nia moris em geral, ita labele rezolve ho Orsamentu Retifikativu, tanba proposta projetu lei OR 2017 ne’ebé governu propoen atu selu kompromisu, la’os dívidas, hanesan governu deklara bebeik ona, sa tan atu selu salariu funsionariu ne’e laloos, importante liu mak governu submete OJE 2018, hodi finansia salariu vensimentu, bens  servisu  tranferensias kapital menor no capital dezenvolvimentu ba tinan tomak, maibe governu hatene hela katak falta de’it semana rua tinan fiskal 2017 atu remata ona, maibe governu la preokupa ho OJE 2018 nian,”haktuir deputada Virgina.

 Bankada AMP mós informa, iha tempu badak, sei aprezenta projetu lei regime tranzitoriu ba ezekusaun duo désimu.

“Inisiativa ida ne’e atu komplementa regime duo désimal ne’ebé vigora hela, hodi nune’e governu bele halo jestaun iha situasaun estra-ordinariu sira,  hanesan formasaun governu ne’ebé tarde no perturba siklus orsamental Estadu atu asegura jestaun finanseira to’o Orsamentu Jeral Estadu tinan 2018 tama iha vigor, AMP mós la konkorda atu halo alterasaun ba lei jestaun financeira, lei fundu petrolíferu no mudansa ano fiskal,”hateten deputada AMP ne’e.

Tuir AMP, regime atual bele kontinua garante mákina Estadu ba asuntu urjenti hanesan kestaun stock aimoruk iha hospital, kombustivel ba jeradores iha sentral eletrisidade no kestaun sira relasaun ho defeza  seguransa nian, tanba regime refere sei termina bainhira orsamentu jeral tinan 2018 vigora ona.

 Enkuantu Prezidente Bankada CNRT, Arão Noe, hateten, bainhira mosu krize ekonomia ruma, la’os kulpa AMP nian, maibe kulpa VII Governu minoria ne’ebé lidera husi Primeiru Ministru, Marí Alkatiri nian, tanba aprezenta programa daruak no Orsamentu Jeral Estadu tinan 2018 nian tarde.

Alende ne’e, Prezidente Bankada PLP, Fidelis Magalhães, relata, AMP prontu kualker tempu, mesmu iha selebrasaun loron Natal no tinan foun, bainhira governu aprezenta programa daruak ba PN atu diskute.

 Antes ne’e, Primeiru Miniatru, Marí Alkatiri, deklara, Orsamentu Retikativu ne’e sei bele utiliza hodi garante funsionamentu mákina Estadu to’o fulan Janeiru no Fevereiru tinan 2018 hodi hein Orsamentu Jeral Estadu nian.

 Antes ne’e mós, Ministru Prezidensia Konsellu Ministru, Adriano do Nascimento anuncia ona, VII Governu konstitusional sei aprezenta programa daruak iha fulan Dezembru.Say


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker