GMN TV Politika BOAMP konsidera PPN halo teatru polítika

BOAMP konsidera PPN halo teatru polítika

Bloku Opozisaun Aliansa Maioria Parlamentar (BOAMP), konsidera desizaun Prezidenti Parlamentu Nasional (PPN), Aniceto Guterres, lori karta destituisaun BOAMP ba Tribunal Distrital Dili (TDD) no Tribunal Rekursu (TR) ne’e, hanesan teatru polítika ida hodi lejítima-an atu hetan simpatia polítika.

Xefi bankada PLP, Fidelis Magalhães, hateten, razaun sira ne’ebé PPN aprezenta hodi lori karta destituisaun ba Tribunal ne’e lalos. Prosesu ne’ebé mak PPN halo ne’e, atu dada de’it tempu no lejímita an atu hetan simpatia ba objetivu polítiku de’it.

“Lori karta ba tribunal ne’e, so halo sandiwara ka teatru polítika de’it, tanba lamentavel PPN jurista ida ne’ebé hatene katak, inves Prezidenti Parlamentu Nasional konvoka uluk reuniaun lider bankadas hodi lori ba plenária atu deside, mak foin Prezidenti kontesta desizaun ne’e,” dehan Fidelis ba jornalista sira iha PN, Tersa (12/12).

Nia haktuir, tuir rejimentu PN, la kabe ba tribunal atu halo desizaun ida hodi julga fali prosesu polítiku ida ne’ebé monu ba kompetensia konstitusional no rejimental Parlamentu Nasional.

Nia afirma, kuandu iha diferenasas entre deputadu sira, PPN la’os lori fali ba tribunal, maibé tenki lori ba plenária hodi halo deliberasaun.

“Ida ne’e hatudu katak, laiha imparsialidade husi PPN atu asegura interese Parlamentu nian, no imparsial ba interese bankada hotu nian,” katak Fidelis.

Alende ne’e, deputadu Natalino dos Santos, husi bankada CNRT hateten, Prezidenti Parlamentu Nasional foti kazu rua, ida lori karta destituisaun ne’e ba Tribunal Rekursu, no ida ba Tribunal Distrital Dili.

“Ida ne’e polítika mafé ne’ebé mak Prezidenti Parlamentu Nasional halo atu dada tempu hodi lejítima sira-nia argumentu Antesipada ne’e. Mas ha’u, ami AMP la hakfodak,  maibé ita entrega ba Prezidenti Repúblika, tanba ne’e komptensia Prezidenti Repúblika nian,” katak Natalino dos Santos.

Nia hatutan, bankada opozisaun hato’o karta destituisaun ba PPN,tanba sira lakon konfiansa atu PPN kontinua lidera PN.

“Nia la imparsial ba nia juramentu no kompromisu ne’ebé nia halo kuandu nia eleitu hanesan Prezidenti PN. Tanba ida ne’e mak ami deputadu 35 husi opozisaun lakon konfiansa,” katak Natalino.

Maibé Natalino esplika, karta destituisaun ne’e, la signifika katak, PPN tenki husik kedas nia kargu, maibé tenki lori ba Plenária hodi diskuti lai atu hetan aprovasaun.

Kuandu plenária delibera ona mak PPN senti afetadu husi karta destituisaun ne’e, mak foin lori ba tribunal.

Natalino dehan, PPN laiha kabementu atu husu inkonstitusionalidade rejimentu PN ba Tribunal Rekursu, maibé PPN iha de’it kompetensia atu husu inkonstitusionalidade ba lei ruma, tanba ida ne’e mós prevé ona iha konstituisaun, maibé kona ba rejimentu la’os lei, maibé prosediamentu regras Parlamentar nian ne’ebé regula deputadu sira.cos


Banner

Foto

Notisia Ikus

MS: Posibilidade Governu sei aplika KO iha teritóriu nasionál

July 26, 2021
Ministra Saúde (MS), Odete Maria Freitas Belo, ...

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...
1 2 3 620

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker