GMN TV Politika David Ximenes: Eleisaun antesipada, tenki haree mós ho nia efeitu

David Ximenes: Eleisaun antesipada, tenki haree mós ho nia efeitu

1 views

Reprezentante veteranu Timor Leste(TL), David Dias Ximenes ´Mandati´ hateten, wainhira koalia konaba eleisaun antesipada, tenki haree mós ho ninia efeitu.

Tanba tuir Davíd, eleisaun antesipada ne’e kompara hanesan tara ida ne’ebé lider sira komesa tau iha ema nia ain atu tebe malu.

Davíd Dias hato’o lia hirak ne’e, wainhira hamutuk ho reprezentante veteranu TL balun iha Munisípiu sira halo diálogu ho Prezidenti Republika (PR) Francisco Guterres Lú Olo, Kuarta (6/17) iha Palásiu Prezidensiál Niacolau Lobato Díli hodi fó hanoin ba Prezidenti Repúblika antes atu hola desizaun ba situasaun polítiku ne’ebé oras ne’e dadaun la’o iha rai laran.

“Ami mai tuur iha ne’e, ami seidauk dehan eleisaun antesipada, ami seidauk dehan katak rai ne’e atu tasi sa’e ka rai atu monu. Ita koalia konaba eleisaun antesipada, nia efeitu ne’e saida? Ita boot sira tau tara ona ba ema ne’e, tenki konsiente ida ne’e, tau tara ona ba ema. Sera ke veteranus sira iha kbiit ona para dehan labele kuandu tara ne’e ema komesa kadi? bele ka la’e?”, hato’o David iha nia intervensaun.

Nune’e nia hateten, nu’udar veteranu, husu nafatin ba PR atu fó hanoin ba lider boot sira tenki komunika ba malu hodi tuur hamutuk atu solusiona tensaun situasaun iha rai laran.

Hatán ba preokupasaun hirak ne’e, Prezidenti Repúblika Francisco Guterres Lú Olo hateten, desizaun ba tensaun polítika iha rai laran sei iha duni, no sei respeitu ba entidades tomak nia hanoin, lider partidu sira no liu-liu ba povu nia di’ak.

“Desizaun ne’ebé foti sei respeitu ba sidadaun hotu, lider partidu sira, liu-liu ba povu nia di’ak”, hateten dehan Xefi Estadu ne’e.

Antes ne’e PR mós halo ona diálogu ho Konsellu Nasional Juventudi Timor Leste (KNJTL), sosiedade sivíl no parte igreja nian hodi kontinua husu sira hotu nia hanoin antes atu hola desizaun ba situasaun polítika ne’ebé oras ne’e dadaun la’o iha rai laran.ias


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker