GMN TV Politika Koligasaun rejeita AMP halo projetu lei Orsamentu Tranzutóriu

Koligasaun rejeita AMP halo projetu lei Orsamentu Tranzutóriu

0 views

Bankada koligasaun hanesan FRETILIN no PD, rejeita, deklarasaun bloku Aliansa Maioria Parlamentar (AMP) nian, ne’ebé atu halo rejime projetu lei Orsamentu Tranzitóriu (OT), hodi komplementa orsamentu duo-désimu to’o Orsamentu Jeral Estadu hetan aprova.

Tuir bankada koligasaun sira katak, deputadu Parlamentu Nasional laiha kompetensia atu halo projetu lei orsamentu trazitóriu.

Tuir Francisco Miranda,  Parlamentu Nasional iha insiativa bele halo lejislasaun ruma, maibe laiha kompetensia atu halo lei orsamental.

Tanba governu mak iha kompetensia atu halo lei orsamental, tanba orgaun ezekutivu mak hatene liu ezekusaun orsamentu.

“Iha konstituisaun RDTL lahateten ida ne’e,  iha konstiuisaun rdtl hateten bainhira koalia kona ba orsamentu poder husi esklusivu, governu mak iha kompetensia halo lei ba orsamentu , parlamentu nia kompetensia iha inisiativa ba alterasaun jestaun lei financeira, maibe lei ne’ebé kolia liga orsamentu ne’e govenu mak iha kompetensia,”haktuir Branco.

Iha konferensia imprensa Kuarta (2/12/17) ne’e bloku opozisaun maioria parlamentar deklara,  sei hamosu projetu lei ida hanesan rejime tranzitóriu, hodi autoriza Governu atu hatun fundu ba ezekusaun hodi hein Orsamentu Jeral Estadu tinan 2018 nian.

Iha biban ne’e mós, bankada AMP deklara, Orsamentu Retifiktivu la pasa, sei la iha efeitu ruma ba Estadu, tanba deliberasaun Orsamentu Jeral Estadu 2017 sei válidu to’o de’it loron 31 fulan Dezembru. Tanba ne’e Governu sei la bele ezekuta orsamentu 200 milloens iha semana rua nia laran.

Prezidente bankada CNRT, Arão Noe, argumenta, insiativa AMP kria projetu lei rejime orsamentu tranzitóriu ne’e, ba ezekusaun duo desimal, atu hodi komplementa duo-désimal ne’ebé vigor hela.

Atu hodi salva Estadu Timor-Leste labele falla,  tanba iha tinan 2018 sei difisil atu uza Orsamentu Jeral Estadu 2018 nian.

Entretantu,  iha Tersa-Feira foin lalais ne’e bankada opozisaun AMP aprova rekursu admisaun ba proposta Orsamentu Retifikativu ho votus 35 kontra 5 no abstensaun 0, tamba ne’e Orsamentu Ratifikativu la pasa hodi xumba iha Parlamentu Nasional.

Partidu opozisaun aprezenta rekursu ne’e tanba la iha tempu ba ezekusaun Orsamentu Retifikativu no atrazu iha aprezentasaun programa governu nian ba daruak.

Alen ne’e, sei iha mosaun sensura no pedidu destituisaun ba Prezidente Parlamentu Nasionál iha hela meza Parlamentu Nasionál no seidauk ajenda ba diksusaun.Say


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker