Ministru Turismu (MT) Manuel Vong, hateten, kondisaun Portu no Aeroportu inklui Terreste, la favoravel, tanba ne’e MT planeia oinsa halo estudu viabilidade hodi bele halo rehabilitasaun ba portu no aeroporto refere.
Ministru Turismu (MT) Manuel Vong, hateten, Portu no Aeroportu inklui Terreste, sai portaun ba turista inklui investor, tanba ne’e tenki hetan atensaun másimu .
“Tanba ne’e ita tenki halo fali estudus viabilidade hodi bele halo rehabilitasaun ba portu ida ne’e, ita hotu hatene katak, Ministeriu Turismu nia portal entrada, iha tolu mak hanesan, Portu , Aeroportu no Terrestre, ne’ebe iha portu, ohin ita mai vizita hodi haree besik liu tan kondisaun portu nian ne’ebe durante ne’e sai hanesan entrada ba pasajerus , liu-liu turista sira ne’ebé mak mai husi estranjeiru liu husi tasi nian,” Manuel Vong , ba jornalista sira, hafoin enkontro ho Prezidente Portu Dili, ho nia diretór sira, iha edifisiu Portu Dili, Semana kotuk ne’e.
Tuir nia haree katak, kondisaun real portu Dili, dadauk ne’e la favoravel ona, maibe atividade iha fatin ida ne’e kontinua lao, tantu ba viajen pasajerus nomos atividade importasaun no mos exportasaun kontinua la’o.
Eis diretor DIT ne’e hatutan, durante ne’e iha turista barak liu-liu turista ho Ró Cruzerus , ne’ebe mai iha Portu Dili, maibe tanba kondisaun aeroportu ne’ebe la kondis ho Ró refere, tenki lori fali Ró kiik hodi tula sai pasajerus husi tasi laran mai portu.
Entertantu, Gabriel Ilario Fernandes, Diretór Konstrusaun Portu DIli, afirma, tempu badak sei halo konstrusaun urjenti ba Portu Dilí, liu-liu fatin ba kontetor nomos terminal.
“Ita iha ona programa rehabilitasaun, ne’ebe ba kontetor, ita finaliza ona, maibe terminal mak sidauk nune’e iha tempu badak ita sei halo konstrusaun urgenti.
Enkuantu vizita , MT iha Aero Portu Prezidente Nicolau Lobato, konsege detekta problema balun, hanesan menus fasilidade hanesan kadera no moja ba pasajerus hodi prinse formulario.
Tuir observasaun diario ne’e iha terenu nota katak, kondisaun portu Dili, liu-liu terminal, parte uma kakuluk kuaze kuak hotu, nune’e wainhira tempu udan bee tama to’o laran, entertantu eroportu laiha fasilidade kadeira no meja hodi halo pasajerus sira tenki tur iha rai nomos hakerek iha meja rai sasan fatin.Ola
