GMN TV Politika PD garante lider rezistensia sei rezolve problema nasaun

PD garante lider rezistensia sei rezolve problema nasaun

0 views

Prezidenti bankada Partidu Demokratiku (PD), Maria Teresa, fo garantia katak, atu governasaun ne’e to’o nia mandatu remata, desizaun sei iha maun bo’ot sira-nia liman, tanba sira sei hamutuk ho jerasaun foun hodi rezolve nasaun ne’eproblema sira.

Tanba ne’e, PD nu’udar jerasaun foun, husu líder rezistensia sira atu tur hamutuk, hodi tau eransa polítika ne’ebé diak ba jerasaun hotu atu banati tuir iha futuru.

“Governu ida ne’e nia lalaok ba oin ne’e ema hotu dehan laiha kepastian (laiha inserteza-red) maibe PD fiar ho esperiensia barak hatudu ona katak, ita konfia ita-nia maun bo’ot sira, no ita-nia lideransa sira, mesmu sira ibun bele ko’alia malu ladiak,  maibe ho pontu ida, sira sei halo desizaun ida ne’ebé la haterus tan povu ida ne’e, no Timor ida ne’ebé sira rasik luta no hasoru terus hodi hetan rai ida ne’e, tanba ita tenke iha esperansa nafatin katak bele iha solusaun ne’ebé diak ba ita nia povu no rai ida ne’e,”haktuir Prezidente bankada PD ne’e ba jornalista iha Parlamentu Nasionál, Sesta (1/12/2017).

Deputada bankada PD ne’e mós husu líder rezistensia sira atu tur hamutuk, hodi garante dignidade no sai duni nu’udar instrumentu hístoriku ba jerasaun foun atu transforma.

“Ita garante ba sira (líder rezistensia), tanba xave importante sei iha maun bo’ot sira nia liman, PD hanesan partidu jerasaun foun, partidu transformador no mós partidu moderador, husu ba lideransa hístoriku sira, nu’udar mós fundador nasaun nian, atu tur hamutuk halo díalogu hodi kóalia ba malu, karik iha fukun ruma ne’ebé ladiak, tur hamutuk hodi ko’alia, tau as nafatin soberania, dignidade hanesan instrumentu hístoriku ba jerasaun, ne’e duni molok imi taka matan, tau netik buat foun no diak, atu nune’e bele konta hatutan ba jerasaun,”Teresa garante.

Antes ne’e, movimentu estaudante universitariu no sosiedade sivil, inklui veteranu sira mós ejize ba líder rezistensia sira, hanesan Kay Rala Xanana Gusmão, Taur Matan Ruak, Marí Alkatiri, José Ramos Horta no Francisco Guterres ‘Lu-Olo’ atu halo  dialogu hodi patilha hanoin ba malu, para bele hetan solusaun ba governasaun no garante estabilidade nasionál.

Entretantu, iha loron 15 fulan Novembru, Prezidente Repúblika, Francisco Guterres ‘Lu-Olo’ konvida líder rezistensia sira ne’ebé lidera partidu polítiku hanesan Taur Matan Ruak, Xanana no Alkatiri hodi halo díalogu, maibe líder partidu CNRT Kay Rala Xanana Gusmão la marka prezensa tanba sei hala’o hela misaun negosiasaun Fronteira marítima iha estranjeiru, no Taur ho Alkatiri mak konsege hasoru Xefi Estadu, maibe ladauk iha solusaun ba problema polítika ne’ebé agora la’o hela iha Timor-Leste.Say


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker