GMN TV Politika PR Lú Olo: “Jerasaun foun tenki iha vontade dezenvolve nasaun”

PR Lú Olo: “Jerasaun foun tenki iha vontade dezenvolve nasaun”

0 views

Prezidente Repúblika (PR), Francisco Guterres ‘Lú Olo’, apela ba jerasaun foun atu manifesta no iha vontade diak hodi dezenvolve nasaun Timor-Leste, nune’e bele fó moris diak ba povu.

“Prezidensia Repúblika mai lori ai-oan ida ne’e para fó memoria nafatin ba sira hotu no ao mesmo tempu transmiti ba jerasaun sira hotu, katak sira nia luta no mate maka ohin loron ita hetan independensia, atu transmiti mós ba jerasaun foun katak liu husi sira nia sakrifisiu, sira entrega tutan mai ita nia liman, nune’e ita hotu tenki manifesta no hatudu ita-nia boa vontade atu bele serbisu hamutuk hodi dezenvolve ita-nia rai no fó moris diak ba ita-nia povu,”PR Lu-Olo ba jornalista sira hafoin remata kuda ai-oan hodi komemora loron herois da patria, iha Jardim dos Herois Metinaro, Díli, Kinta (28-12-2017).

Nia esplika katak, atividade kuda ai-oan ne’e, hodi simboliza saudozu Nicolau Lobato ninia brani no korazen no ba mós soldadu sira ne’ebé ninia restu mortais tau iha Jardim dos Herois.

“Ne’e la’os serimonia ofisial ida que Prezidensia Repúblika organiza, maibé Prezidensia Repúblika hatene katak loron ka tolu tan mai ita sei selebra loron boot saudozu Nicolau dos Reis Lobato ne’ebé mate iha ai laran, tanba nia hanesan lider FRETILIN no Prezidente Repúblika (PR) RDTL ninian,”dehan Lú Olo.

Prezidente Repúblika relata katak, ekipa ne’ebé ohin (28/12) organiza kuda ai-oan iha Jardim dos Herois Metinaro maka Prezidensia Repúblika hamutuk, Governu ho Komisaun Homenajen.

Loron Herois da Patria ne’e Governu desidi monu iha loron 31 Dezembru, hodi relembra saudozu Nicolau dos Reis Lobato ninia mate iha kombate entre Timor-Leste no Indonesia.

Ai-oan hirak ne’ebé maka ekipa sira ne’e kuda maka hanesan ai-kase, kakeu, ketapang no seluk tan. ves


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker