GMN TV Politika Vizita prizioneiru Becora, Horta prefere hadia sistema justisa

Vizita prizioneiru Becora, Horta prefere hadia sistema justisa

0 views

Ministru Konselleiru Seguransa Nasional, José Ramos Horta, prefere, justisa iha Timor-Leste tenki hadia liu tan ne’ebé ho dimensaun umanu.

Vizita laureadu nobel da paz José Ramos Horta ba Prizaun Becora, Kuarta (27 /12 /2017)  ne’e ho objetivu atu haree direta kondisoens prizioneiru no guarda sira liu liu fo prezente ba sira hodi selebra natal 2017 no simu tinan foun 2018 .

“Tamba ita iha liberdade la bele haluha sira ne’ebé mak la iha liberdade, mesmu sira halo krime saida deit, maibe sira sei ema nafatin, no nu’udar sidadaun no lider ida, ha’u rai Timor Leste ida ne’e, sai rai ida respeita direitu umanu. Agora ha’u mai iha prizaun ne’e nu’udar sidadaun no membru governu para haree oinsa atu hadia diak liu tan ita-nia sistema justisa que tenki iha dimensaun ida ne’ebé umanu. Ha’u la koalia faktu iha justisa, tamba ida ne’e Prokuradoria Republika ho juis sira mak hatene kona-ba faktu ruma ne’ebé elementu umanu ne’ebé ita tau mos iha justisa,”hatete José Ramos Horta ba Jornalista sira iha Prizaun Becora Dili, hafoin vizita.

José Ramos Horta, dehan, Justisa Timor nian tenki tetu buat hotu-hotu, la’os faktu ne’ebé akontese, la’os faktu krimi deit. Maibe razaun ne’ebé mak lori ema ba halo krimi oi-oin, no nia hatene katak, prokurador no juiz sira mak tetu kazu hirak ne’e.

Nia akresenta, uluk nia hanesan Prezidenti Repúblika buka atu halo indultu, tamba ninia filozofia mak atu buka komplementa jutisa

Alende ne’e, tuir Diretor Ezekutivu Prizaun Becora, João Domingos, agaradese ba prezensa Ministru Konselleiru Seguransa Nasional, José Ramos Horta iha Prizaun Becora, ne’ebé fo ona apoiu orsamentu montante US$ 800 ba prizioneiru  no guarda, bele uza hodi  sosa netik nesesidade ruma hodi selebra tinan foun.

Nia haktuir, tuir dadus prizioneiru ne’ebé agora dadaun iha sela Prizaun Becora hamutuk 545 ne’ebé inklui mos prizioneiru feto nain rua.

 “Ami hodi naran prizioneiru sira nian, ami rasik iha prinsipiu ho filozofia ida katak, atu hadia prizioneiru sira-nia situasaun sai ema ne’ebé diak duni,”afirma Diretor Ezekutivu Prizaun Becora ne’e.Oly


Banner

Foto

Notisia Ikus

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...

Alkatiri: Ma’huno sai luta povu tomak nian

September 27, 2021
Sekretáriu Jerál Partidu FRETILIN, Marí Alkat...

Komisaun F bolu urjente MS Odete

September 26, 2021
Komisaun F Parlamentu Nasionál trata asuntu Sa...

Xanana: Ha’u ho Ma’huno mak reorganiza rezisténsia armada

September 26, 2021
Eis komandante Em Xefe FALINTIL, Kay Rala Xanana...
1 2 3 644

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker