GMN TV Politika Aeroportu Rota do Sândalo halo povu konfuzaun

Aeroportu Rota do Sândalo halo povu konfuzaun

Reprezentante povu iha uma fukun Parlamentu Nasional (PN), liu-liu bankada Aliansa Maioria Parlamentar (AMP) preokupa ho naran ba aeroportu Rota de Sândalo Rejiaun Administrativa Espesial Oe-Cusse Ambeno (RAEOA), tanba sira senti konfuzaun ba deside foti naran refere mai husi ne’ebé.

“Iha loron hira ba kotuk aeroportu Oe-Cusse ninian, kompañia Wijaya Karya (WIKA) entrega ona ba RAEOA ho naran Rota do Sandalo, apenas ha’u hakarak hatene, sera que naran ne’e Governu sentral maka fó ka iha ne’ebá maka sira desidi rasik”, deputada bankada CNRT, Virgínia Ana Belo liu husi ninia intervensaun polítika, iha debate Orsamentu Jeral Estadu (OJE) 2019 ba MTK ninian, iha faze espesialidade, iha PN, Kuarta (20-12-2018).

Nia afirma mós katak, tuir artigu 4, lei númeru 3/ 2014 Governu sentral no Primeiru Ministru (PM) maka tutela ba RAEOA, tanba ne’e maka nuudar reprezentante povu hakarak husu ba Ministru Transporte no Komunikasaun (MTK), José Agostinho da Silva, atu fó klarifikasaun kona-bá aeroportu Rota de Sandalo RAEOA ne’e kategoria internasional ka la’e.

“Ami hakarak hatene kona-bá ida ne’e, naran ida aeroportu internasional ne’e sera que tuir inspesaun husi ministériu relevante tama ona kriteriu ba aeroportu internasional ka la’e”, haktuir Virgínia Ana Belo.

Husi sorin seluk, deputadu bankada CNRT, Duarte Nunes mós preokupa ho naran ne’ebé maka autoridade RAEOA tau ba aeroportu iha Oe-Cusse ho naran Rota de Sândalo ne’e, tanba antes ne’e mós ró ahi oferese husi nasaun Xina ho naran Xanana, maibé to’o ikus hamoos tiha fali.

“Wainhira ita tau naran ba aeroportu ida, ita iha presedensia ida hanesan ró ida ne’ebé tau tiha Xanana nia naran, depois hasa’i fali, ne’e ita iha presedensia ona, sé ita la foti desizaun husi instituisaun ne’ebé que KM no PN, ne’e ida mai tau naran konformi ninia hakarak, ida ne’e maka problema ne’ebé maka ita hasoru ne’e”, haktuir Xefi bankada CNRT ne’e.

Hatán ba preokupasaun ne’e, Ministru Transporte no Komunikasaun (MTK), José Agostinho da Silva, hateten, MTK sei responde kestaun ne’e iha futuru no sei tau iha ajenda atu haree.

Entretantu antes ne’e, iha loron nén (6), fulan ne’e, ofisialmente prezidente autoridade RAEOA-ZEESM, Mari Alkatiri simu provizoriu obra aeroportu internasional Rota de Sândalo husi kompañia WIKA-Indonézia ne’ebé maka manan tender ba projetu refere. ves


Banner

Foto

Notisia Ikus

Portu Díli sei transforma ba zona turístika

July 30, 2021
Primeiru Ministru (PM) Taur Matan Ruak, hatete b...

PN ezije Governu responde povu nia halerik durante pandemia

July 30, 2021
Reprezentante povu sira iha Parlamentu Nasionál...

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...
1 2 3 622

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker