Prezidente Autoridade RAEOA-ZEESM TL, Marí Alkatiri, hateten la partisipa semináriu nasionál assuntu Fronteira Marítima (FM) ne'ebé aprezenta hosi negosiadór prinsipal ba Fronteira Marítima, Kay Rala Xanana Gusmão, tanba tuir Alkatiri importate mak lideransa hamutuk, laos palestra.
"Ha’u la ba partisipa palestra ne'e, e antes ne'e ha’u hateten ona katak ha’u la ba partisipa iha palestra ne'e, tanba la’os ho palestra mak ita rezolve problema. Primeiru lideransa tenke hamutuk, para foti no defini estratéjia ida, estratejia la’os mai husi ema ida nia ulfatuk ka ulun deit", Prezidente Autoridade RAEOA-ZEESM TL, Marí Alkatiri, deklara assuntu ne'e ba GMN hafoin assina dokumentu simu provizóriu obra aeroportu Internacional Rota de Sândalo Pante Makasar Oe-Cusse Ambeno, semana kotuk.
Marí Alkatiri haktuir, la partisipa iha semináriu refere, tanba prefere liu lider sira tur hamutuk antes trata asuntu ruma.
Antes ne’e publiku no eis Primeiru Ministru, Mari Alkatiri rasik husu ba negosiador prinsipal fronteira marítima atu halo relatoriu ba Estadu kona-ba prosesu tomak negosisaun nian.
Entretantu semináriu nasionál assuntu fronteira marítima no nia impaktu ba aktividade petroliferas iha tasi timor, halao ona iha Sábadu loron 8 fulan Dezembru tinan 2018 iha Centro Convenções de Díli (CCD). Ito
