Prezidente Autoridade RAEOA-ZEESM, Marí Alkatiri, simu provizóriu Obra Aeroportu Internacionál Rota de Sândalo Oe-Cusse Ambeno.
Simu aeroportu Internacionál Rota de Sândalo ne'e, hafoin Marí Alkatiri assina dokumentu simu provizóriu obra refere, hala'o iha Pante Makasar, Kinta (06/12/2018).
Objetivu husi assina dokumentu ne’e atu hetan sertifikasaun hodi bele hahu halo operasaun Internasionál.
Ezisténsia aeroportu Rota de Sândalo iha Pante Makasar Oekusi ne’e, kompleta ho infraestrutura no ekipamentu tuir matadalan Aviasaun Sivil Internasional.
Infraestrutura ne'e prontu ona atu simu avião bo'ot sira no iha mos fasilidade hanesan prosesamentu balada sira inklui fatin ba servisu karantina.
Pista Aeroportu Internacional Rota de Sândalo ho naruk metru 2.200, largura metru 45, iha kapasidade atu bele simu avião hitu ho passajeiru na'in 500 kada loron.
Aeroportu Rota de Sândalo kompleta ho sistema automátiku ba fornesimentu enerjia emerjensia, ekipamentu hodi satan edifisiu husi ahi, iha mos ekipamentu modernu atu fasilita komunikasaun no apoiu ba aviaun iha sistema automatika hato'o dadus metereolojiku no torre hodi halo kontrolu nesesaria.
Hafoin assina dokumentu simu provizóriu obra Aeroportu Internacionál Rota de Sândalo, Prezidente Autoridade RAEOA-ZEESM, Marí Bim Amude Alkatiri, hateten Oe-Cusse hahu loke ona nia odamatan ba investor sira atu halo investimentu.
"Ha’u hatene katak, pelu menus Oe-Cusse hahú loke ona nia odamatan ba mundu, e depende deit kapasidade Timoroan dada ema atu mai halo investimentu, e iha ona potensiais investidores atu investe iha area turizmu no agricultura," hateten Prezidente Autoridade RAEOA-ZEESM Marí Bim Amude Alkatiri
Kona-bá progresu aeroportu Internacionál Rota de Sândalo ne'ebé fizikamente kuaze atu remata ona, Marí Bim Amude Alkatiri, hateten ne'e resesaun provizóriu.
"Ida ne'e resesaun provzóriu, tanba ne'e mak iha komisaun jestaun provizoriu mos para bele koalia ho sira Wijaya Karya no ISQ fulan neen (6) tan bele iha ona resesaun defenitiva, maske nune'e antes fulan neén bele halo ona inagurasaun," hateten Marí Alkatiri
Obra Aeroportu Internacional Rota de Sândalo konstrui husi kompañia Wijaya Karya husi Indonézia no fiskalizadu husi konsultan ISQ husi portugal.
"Em termus de tekniku, projetu ida ne'e remata ona, hein halo operaun no manutensaun. Iha servisu ki'ik oan balu ne'ebé presija halo kompleta maibe neneik tanba tuir etapa, e hau optimista katak buat hotu bele remata tuir kontratu," hateten Diretur PT Wijaya Karya, Danu Prijambodo.
Oras ne'e daudaun obra Aeroportu Internacional Rota de Sândalo kuaze remata ona ho montante U$ 119.940.058,87. Ito
