GMN TV Politika Aniversáriu PLP ba datoluk, Mate-Restu: PLP susesu lori Taur ba PM

Aniversáriu PLP ba datoluk, Mate-Restu: PLP susesu lori Taur ba PM

0 views

Partido Libertasaun Popular (PLP), Domingo (09/12), selebra loron aniversariu ba dala tolu iha Sede Partidu, Bekaril, Suku Metiaut, Postu Administrativu Kristu Rei, Munisípiu Díli.

Selebrasaun loron importante Partidu nian nee la partisipa husi Prezidenti Partidu, atual Primeiru Ministru, Taur Matan Ruak, tanba prepara an ba diskusaun Orsamentu Jeral Estadu (OJE) 2019, Segunda-feira nee.

Primeiru Vise Partido Libertasaun Popular (PLP), Abrão José Freitas ‘Mate-restu’, hateten, tinan tolu ejiste nudar partidu politiku ida konsidera hanesan ema karik sei bebe,  maibe esforsu PLP nian konsege lori Taur Matan Ruak nudar Prezidenti Partidu ba lidera VIII Governu Konstisuinal.

“Ami foin ejiste tinan tolu, ami senti sei nurak, maske nune’e serbisu lubuk ida maka ami halo ona, no ami konsege hetan kadeira 8 iha Parlamentu Nasional, no hola parte iha VIII Governu Konstitusional, previleiju boot ba ami PLP internal maka, ami konsege lori ami nia prezidenti Taur Matan Ruak hamutuk ho AMP lori ba Primeiru Ministru”, hateten, Primeiru Vice PLP, Abrão José Freitas ‘Mate-restu’ ba GMN iha seremonia aniversario PLP ba dala-3 iha sede PLP, Metiaut, Dili, Domingo (09/12/2018).

Tanba susesu iha Eleisaun Antesipada, Primeiru Vice PLP ne’e promete sei tun ba baze hodi fo agradesementu ba militantes PLP nian.

“Hau husu obrigado no agradese tebes ba militante no simpatizante PLP nian, tanba esforsu, konsege ultrapassa prosesu naruk ida hodi ikus mai partisipa mos iha VIII Governu Konstisional”, dehan Mate-Restu.

Iha fatin hanesan, líderansa PLP, Sabino Guntur, hateten, tuir lolor PLP hari’i iha loron 7 Dezembro 2016, ne’ebe hanesan loron Invazaun, maibe tanba mudança ideia, entaun deside harii fali iha loron 9 Dezembro 2016, katak loron 9 ne’e nudar loron Anti Korupsaun.

“Ita deside loron 9 Dezembro ne’e, tanba loron ne’e loron anti-korupsaun, tanba ne’e PLP hambrik atu kombate korupsaun,” dehan Sabino Guntur.

Partido ho moto ‘Hisik Kosar Ba Moris Diak’ ne’e konsege partisipa iha Eleisaun Prezidensial periodo 2017-2022 no mos eleisaun Parlamentar período 2017-2022, hetan kadeira 8, iha Eleisaun Antesipada ne’ebe hala’o iha tinan 2018 PLP la’o hamutuk ho partidu Congresso Nacional Reconstrução Timorense (CNRT) no Partidu Kmanek Haburas Unidade Nacional Timor-oan (KHUNTO), hodi forma Bloku Koligasaun hanaran Aliansa Mudança ba Progresso (CNRT), iha eleisaun refere AMP konsege manan no forma VIII Governu Konstutusional. mia


Banner

Foto

Notisia Ikus

Governu prevee millaun USD 1.5 ba indemnizasaun SUA

October 27, 2021
Ministru Ensinu Superiór Siénsia Kultura (MESS...

Extensaun EE da-19 pasa, PN sujere labele limite movimentu populasaun

October 27, 2021
Parlamentu Nasionál (PN) aprova tan pedidu exte...

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...
1 2 3 656

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker