GMN TV Politika Defini estatutu veteranu, Governu presiza estabelese KKLN

Defini estatutu veteranu, Governu presiza estabelese KKLN

0 views

Reprezentante povu iha Parlamentu Nasional (PN), husu ba VIII Governu atu estabelese ona Konsellu Kombatente Libertasaun Nasionál (KKLN), ho nune’e bele defini loloos veteranu ida-idak nia kontribuisaun funu durante tempu okupasaun Indonézia iha Timor-Leste durante tinan 24.

“Dalabarak ita koalia kona-bá veteranu, maibé ita la komprende kona-bá buat ne’e, termus militar bolu veteranu dehan prajurit tua, agora ita iha vila laran dehan ita ne’e veteranus, ita halo funu setengah-setengah mós dehan veteranus, ne’e laloos, tanba ne’e maka presiza estabelese KKLN para defini kreiteriu ka rekezitu para bele koloka termus ne’e tuir ida-idak nian fatin para labele hada’u máu”, deputadu bankada Partidu Libertasaun Popular (PLP), Sabino Soares ‘Guntur’ liu husi ninia intervensaun polítika durante debate Orsamentu Jeral Estadu (OJE) 2019 ba loron da-hát, iha PN, Segunda (17-12-2018).

Nia akresenta, pesoalmente konkorda katak KKLN ne’e importante teb-tebes, maibé iha tinan 2019 tenki planu di-diak, tau programa di-diak para bele identifika sasan sira ne’e, para dignifika vetetanu sira nia kontribuisaun funu iha ai-laran no sira ne’ebé maka kontribui iha vila laran.

“Sé la’e ema hotu-hotu veteranus, ida ulun ne’e la sai veteranus mais sai fali ain, hanesan ema insulta maun boot Xanana, maun boot Taur Matan Ruak, maun boot Lú Olo, maun boot Lere Anan Timur no maun boot sira seluk ne’e la folin, ita ne’ebé iha vila laran ne’e maka valor ás liu fali sira”, haktuir Guntur.

Alende ne’e, deputadu bankada Frente Revolucionario do Timor-Leste Independente (FRETILIN), José Agostinho Sequeira ‘Somotxo’ hateten,  Governu presiza kria sistema diak ida hodi kombate, sistema familiarizmu iha komisaun omenajen, tanba ezistensia KKLN sei la rezolve problema veteranus.

“Mezmu ita nia KKLN hamri’ik ne’e la signifika katak ita atu rezolve ona problema, ita nia KKLN hamri’ik ita tenki buka sistema ida ne’ebé diak, polítika ida ne’ebé diak ho transparansia, tanba dezde 2013 to’o ohin loron ne’e ita hari’i no hakiak ona polítika família ninian, sé maka família iha komisaun omenajen bele hetan direitu hanesan veteranus. Tanba ne’e PM no Sekretariu Estadu KKLN tenki halo polítika diak ida, para ita labele hanesan ho prisipikadamente ita halo sasan to’o ikus mai, ita kombatente no populasaun sira krítika nafatin ita”, haktuir Somotxo.

Entretantu, iha loron 21, fulan Marsu, tinan ne’e, Prezidente Repúblika (PR), Francisco Guterres ‘Lú Olo’ promulga ona lei estatutu orgániku KKLN, atu nune’e dekretu lei ne’e bele halibur veteranu sira hodi kontribui ba dezenvolvimentu nasional.ves


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker