GMN TV Politika FRETILIN-PD preokupa orsamentu ba MAP

FRETILIN-PD preokupa orsamentu ba MAP

0 views

Deputado bankada FRETILIN no Partidu Demokratiku (PD) iha Parlamentu Nasional (PN) preokupa tebes ho Proposta Lei Orsamentu jeral EStadu 2019 nebe aloka ba Ministeriu Agrikultura no Peskas (MAP) nebe ki’ik liu, nebe maioria povu Timor-Leste  80% vida agrikultura.

“Hau haree planu orsamental, iha Agrikultura ki’ik liu, 1  % deit, maibe hau hakarak dehan baze produsaun maka agrikultura, ne’e ita hotu hatene. Maibe ba setor ida ne’e tun tiha fali, ohin loron ita depende los deit ba importasaun, tempu uluk kuandu ita mai eskola iha Dili fos ne’e lori husi ita nia munisipiu, maibe agora oinseluk, fos lori fali husi Dili ba foho”, hateten deputado Bankada FRETILIN, David Dias Ximenes ‘Mandati’, iha intervensaun debate OJE 2019 iha Jeneralidade, Segunda (10/12/2018) ia Parlamentu Nasional.

David Dias Ximenes dehan tan fos, durante ne’e mos fehuk roupa importa husi rai liur nune’e sosa fali hodi ba fa’an, pior liu tan hodi ba fa’an iha Munisipiu Ainaro, Postu Administrativu Maubessi.

Iha fatin hanesan, deputada Helena Martins Belo akresenta tan, Setor Agrikultura maka sai savi ida hodi redus importasaun, maibe realidade iha OJE 2019 nian, orsamentu ki’ik tebes, ho 1% deit.

“Setor agrikultura importante tebes, maibe 1 %, maibe ita hare fali ba realidade kuaze 80 % agrikultores, mas osan menus tiha fali, kuandu hanesan ne’e oinsa atu hasa’e produsaun iha rai laran hodi hamenus importasaun”, preukupa Helena M. Belo.

Nune’e mos, deputado bankada PD, Adriano do Nascimento, hateten, iha OJE 2019 Governu propoin atu dezenvolve programa prinsipais hitu,, hanesan Agrikultura, Edukasaun, Saude, Infraestrutura partikularmente Bee Mos no Saneamentu, Turismu, Desentralizasaun Administrativa no Setor Privadu.

“Hafoin analiza no tetu planu asaun annual ho orsamentu hau nia pensamentu logiku no sensibilidade politika haktuir katak, VIII Governu halo planu annual no orsamentu 2019 laiha kuerensia no konsistensia entre asaun annual no orsamentu nune’e orsamentu 2019 la refleta prioridade prinsipais hirak ne’ebe define tiha ona, iha razaun balu maka fundamenta hau nia pensamentu logika ne’e hanesan ba prioridade numeru primeiru hatur iha setor agrikultura, hodi garante produsaun agrikula, seguransa alimentar no hamenus mal nutrisaun, maibe Governu aloka deit 1.5 % ho total orsamentu US$ 29 milhões”, hateten, Adriano do Nascimento.

Orsamentu Jeral Estadu ba 2019, Ministeriu Agrikultura no Pescas US$ 29 milhões, prioridade ba hasa’e produsaun, no area seluk tan Ministeriu Agrikultura no Peskas. Mia


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker