GMN TV Politika Hakotu impase polítiku, Solusaun iha lider nasionál

Hakotu impase polítiku, Solusaun iha lider nasionál

0 views

Reprezentante povu iha uma fukun Parlamentu Nasional (PN), kontinua eziji lider nasionál sira túr hamutuk hodi buka solusaun ba impase polítiku ne’ebé dau-daun nasaun infrenta, atu nune’e bele aselera la-lais prosesu dezenvolvimentu.

Lider nasionál ne’ebé deputadu sira mensiona maka hanesan Prezidente Repúblika (PR), Francisco Guterres ‘Lú Olo’, Primeiru Ministru (PM), Taur Matan Ruak, Prezidente Aliansa Maioria Parlamentar (AMP), Kay Rala Xanana Gusmão, Sekretariu jeral partidu Frente Revolucionario do Timor-Leste Independente (FRETILIN), Mari Alkatiri no seluk tan.

“Ho haraik-an husu maun Kay Rala Xanana Gusmão, maun Mari Alkatiri ne’ebé dau-dauk ne’e asumi kargu hanesan Sekretariu Jeral FRETILIN, maun Francisco Guterres ‘Lú Olo’ ne’ebé agora sai Prezidente FRETILIN no sai PR no PM, Taur Matan Ruak. Ita husu, ita nia diferensa pasadu liu ona, ita la’o ba oin ho aposta ita nia interese Estadu, liu-liu oinsa maka ita nia ekonómia ne’e bele la’o ho diak liu tan iha futuru”, deputadu bankada PD, Mariano Assanami Sabino ba GMN iha resintu PN, Sabadu (15-12-2018).

Nia esplika, ho situasuan polítika rai laran ne’ebé seidauk hetan solusaun, tanba ne’e maka nuudar deputadu eziji ba lider nasionál sira atu buka malu túr hamutuk  halo diálogu, tanba deputadu no Timoroan hotu konfia katak, dalan úniku atu solusiona impase polítiku maka diálogu.

“Ita tenki konsiente katak kiak maka ita nia inimigu, entaun ita tenki konserta ita nia enerjia, ita nia forsa, ita nia dedikasaun, ita nia hamutuk no unidade para hasoru kiak, funu loloos maka ida ne’e, maibé sé ita tau fali maka tanba partidu ida ne’ebá, partidu ida ne’e, ne’e ita sala ona. Ha’u husu ho haraik-an ba maun sira, buka dalan hotu-hotu konsentra ita nia ideia no hanoin, rasionaliza saida maka ita presiza halo, para depois ita tenki la’o ba oin”, haktuir Assanami.

Nia akresenta, kestaun importante maka luta ba Fronteira Marítima (FM), loloos ne’e lider nasionál nain hira ne’e maka lidera, mezmu diferensia partidu, balun iha Governu, iha PN, balun la tama PN, kontinua fó ideia no hanoin, hodi garante ekonómia nasaun la’o ho diak.

“Lider nasionál hotu-hotu, tenki nafatin fó fó ideia no hanoin, kontinua partisipa no sai na’in ba prosesu dezenvolvimentu, tanba sei la hasa’i ema ruma husi prosesu dezenvolvimentu nasional, husi desizaun importante, husi ita nia integridade soberania, ne’ebé maka ita manan FM no ba oin ita tenki halo jestaun ba ita nia FM”, informa deputadu bankada PD ne’e.

Husi sorin seluk, Segundu Vise Prezidente PN, Luis Roberto, hateten, bainhira koalia kona-bá hakarak roda ekonómia no área hotu-hotu la’o ho diak, garante estabilidade iha Timor-Leste lider nasionál sira presiza konsensus.

“Ha’u husu ba lideransa altu nivel no aman nasaun sira tenki hamutuk, para hakmatek, hodi haree ba oin. Atu halo saida de’it no dada kadoras mai Timor-Leste, presiza lideransa altu nivel sira hamutuk no povu mós tenki unidade, tanba ida ne’e maka dalan diak, karik dada Greater Sunrise mai Timor-Leste mós iha estabilidade no unidade”, haktuir Luis Roberto.

Antes ne’e mós liu husi debate Orsamentu Jeral Estadu (OJE), iha faze jeneralidade, deputadu bankada FRETILIN, José Agostinho Sequeira ‘Somotxo’ husu mós ba lider nasionál sira hanesan, PR Lú Olo, PM, Taur Matan Ruak, Prezidente AMP, Xanana Gusmão, Sekretariu jeral FRETILIN, Mari Alkatiri no Ramos Horta, atu halo diálogu, hodi fokus ba iha asuntu interese nasional ninian. Ves


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker