GMN TV Politika Konsidera viola rejimentu PN, Arão: Ha’u prontu hatán iha tribunal

Konsidera viola rejimentu PN, Arão: Ha’u prontu hatán iha tribunal

Prezidente Parlamentu Nasional (PN), Arão Noe, deklara, karik loos duni maka nia viola duni giaun no rejimentu PN durante debate Orsamentu Jeral Estadu (OJE) 2019, nuudar Xefi orgaun lejislativu ida, prontu atu hatán iha tribunal.

“Ha’u prontu responsabilidade ba desizaun ida ne’e no ha’u prontu hatán iha tribunal, wainhira deputadu sira hakarak lori ba tribunal, tuir prosesu justisa”, PPN liu husi ninia deklarasaun polítika iha uma fukun PN, wainhira dirizi debate OJE 2019 iha faze jeneralidade, Kuarta (19-12-2018).

Nia akresenta, durante iha debate OJE 2019 ne’e, nuudar Xefi Orgaun Lejislativu nunka limiti tempu, durante debate hahú kedas husi faze jeneralidade to’o espesialidade tama ona ba loron 6 ne’e.

“Ami tenki jere meja ne’e di-diak, kumpri, oinsa maka ita to’o loron 10 ne’e ita aprova lei OJE 2019, ida ne’e maka objetivu, ami laiha interese ida atu limiti ita boot sira nia direitu atu halo intervensaun, so que ita hakarak kumpri rejimentu ba tempu ne’e, ami konta to’o orgaun autonómu ne’e ita sei iha 46 ne’ebé ita sei deskuti loron 3 nia laran, tanba iha ministériu 6 maka seidauk deskuti no aprova”, haktuir Xefi Órgaun Lejislativu ne’e.

Nia esplika, tanba ne’e laiha razaun atu atinji interese ruma, tanba kualker pontu de orden no intervensaun ne’ebé mai iha meja PN, meja PN kontinua kumpri saida maka rejimentu hateten.

Husi sorin seluk, Vise Xefi bankada PD, Adriano do Nascimento, konsidera, Prezidente PN, Arão Noe ne’e violadór ida, tanba viola ona rejimentu PN no giaun ba debate OJE 2019, tanba halo limitasaun tempu ba deputadu sira atu halo intervensaun ba OJE ne’ebé maka kada ministériu aprezenta iha PN.

“Ha’u hakarak hateten PPN agora ne’e violadór, viola rejimentu no giaun, viola rejimentu artigu 58, númeru 3 ne’ebé hateten katak kada proposta ne’e deputadu ida-idak iha direitu atu koalia 3 minutus primeira vez, um minutu segunda vez. Giaun ne’e rasik mós viola ona rejimentu PN nian, agora mai fali giaun PPN viola fali giaun ho rejimentu dala ida, ne’e maka labele, tanba PN nuudar lejisladór tenki la’o tuir lei no orden, uluk AMP hateten katak tenki tuir lei no konstituisaun, agora tanba saida maka labele tuir fali”, haktuir Adriano do Nascimento.

Entretantu OJE, tinan 2019 ne’ebé VIII Governu propoin, tama ona iha debate iha espesialidade ba loron 6 ona no tuir giaun sei remata iha loron 22, fulan ne’e. ves

 


Banner

Foto

Notisia Ikus

Portu Díli sei transforma ba zona turístika

July 30, 2021
Primeiru Ministru (PM) Taur Matan Ruak, hatete b...

PN ezije Governu responde povu nia halerik durante pandemia

July 30, 2021
Reprezentante povu sira iha Parlamentu Nasionál...

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...
1 2 3 622

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker