GMN TV Politika Lakon iha 1979, Timor-oan nain 9 fila hikas ho matanwen

Lakon iha 1979, Timor-oan nain 9 fila hikas ho matanwen

0 views

Timor-oan hirak ne’ebe lakon iha tempu okupasaun Indonesia iha tinan 1979, iha nain sia (9) fila hikas mai Timor-Leste. Timoroan nain 9 ne’e mai tun iha aerportu internacional Nicolau Lobato, Comoro ho Aviaun Citilinck Indonesia iha Segunda (03/12/2018).

Tun husi aviaun, timoroan hirak ne’e matawen tun, tanba durante tinan barak nia laran sira fahe malu ho família.

Koordenador Asia Justice and Right (AJAR), Inocençio de J. Xavier, hateten, prosesu lori fila timoroan hirak ne’e komplexo tebes, tanba sira hela iha Indonesia ho geografikamente boot tebes, pior liu tan maka sira troka ona naran orijem timor nian ba Indonesia.

“Prosesu ida lori ita nia maluk timoroan mai ne’e prosesu ida komplikadu, tanba sira hela iha Indonesia ho geograficamente boot teb-tebes, komplikadu liu tan maka ami nia ekipa husi Indonesia hetan sira, no sira nia naran muda ona ba Indonesia nian, no ami ba hasoru fali sira nia família hodi ami esplika sira nia família lafiar no dehan katak mate tiha ona no halo ona rate. Maibe ami buka maneira oi-oin hodi ikus mai sira nia família fiar duni”, hateten Koordenador AJAR, Inocençio de J. Xavier ba Jornalista sira iha aeroportu Internasional Nicolau Lobato, Comoro, Dili.

Ekipa ne’ebe esforsu hodi lori timoroan sira mai kompostu husi sociedade Timor-Leste, PDHJ, ANATL, no CVTL.

“Durante ami konvense sira, sira deficil tebes atum ai, tanba sira hanoin timor sei funu, entaun ami lori fali filme advokasia katak ami fali filme tinan kotuk hodi loke ba sira hare, ami fasilita mos formasaun ba sira ho objetivu atu hadia sira nia mentalidade, katak timor laiha ona funu no sai ona belun diak ho Indonesia”, dehan nia.

Aktividade ne’e hala’o husi AJAR hetan apoia financeira husi Ministeriu Solidariendade Social no Inkluzasaun (MSSI), hamutuk US$ 16 mil, no Ministeriu Governu Indonesia liu husi Negosio Estranjeiro Indonesia hamutuk Rp. 50.

Durante ne’e AJAR hamutuk ho AJAR indonesia kopera ho Governu rai rua lori timoroan ne’ebe lakon hahu iha tinan 1975, 1979 no 1980 hamutuk nain 66 ona.

Moises Xavier da Costa, senti kontenti tebes, tanba bele sama ain fali iha Timor ne’ebe hanesan rai moris fatin.

“Hau kleur tebes sai husi ne’e (red-Timor), hau sai husi tinan 1979, ami fila fali, iha tinan 1982 hau mos tuir eleisaun Indonesia nian, iha tinan ne’e maka ema lori hau ba Indonesia. Kuandu hau tun husi aviaun hau senti forsa laiha, katak laran ne’e moras tebes, momento ne’eba hau sai duni husi aeroportu comoro ne’e hau sa’e aviaun Hercules iha tuku 6 hau sei ki’ik, no agora hau mai fali mos tun iha ne’e maibe ho idade boot ona”, haktuir Timoroan Moises X. da Costa.

Timoroan sira ne’e sei fila hikas ba Indonesia iha loron 9 fulan ne’e, durante loron lima iha Timor-Leste. Timoroan nain 9 ne’e, mai husi Municipiu Lautem nain 1, Viqueque 2, Ainaro 2, Dili 1, Ermera 1, no Manufahi nain 2. Mia

 


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker