Orsamentu Jeral Estadu (OJE) 2019 ne’ebé aloka millaun USD 400 ba kategoria bens servisu, halo deputadu bankada FRETILIN Antoninho Bianco preokupa tanba VIII Governu sei haburas Koluzasaun Korupsaun no Nepotizmu (KKN) iha futuru. Tamba tuir Antoninho kategoria bens servisu fasil tebes atu mosu KKN.
“VIII Governu atu kombate KKN ne’e la iha, so atu haburas mak KKN,OJE 2019 aloka barak liu , ami nia proposta ne’e atu halo meloramentu osan, prinsipiu poupança ne’e , ita nian ne’e durante ne’e garante ba fundu mina rai, reseitas domestika tinan hira nia laran mai to’o agora la to’o miliaun $200 atu asegura salario funsionario públiku (FP)’’, deklara Antoninho ba jornalista liu husi konferensia imprensa iha bankada FRETILIN Sesta (21/12).
Hatán ba preokupasaun ne’e, Ministru Reforma Lejislativa Asuntu Parlamentar, Fidelis Manuel Leite Magalhães, konsidera argumenta deputadu Antoninho ne’e la los, foin lalais Governu ne’e moris ho orsamentu duodésimu, entaun Governu tau osan ba bens servisu ne’e atu garante FP nia saláriu.
“Ne’e la los. Opozisaun nia knaar mak atu kontra ne’e, hanesan ne’e. Agora ne’e ita tenki haree uluk mak importansia ba funsionamentu Estadu no kontinua halo investimentu iha rai laran hodi garante sustentabilidade iha rai laran’’, esplika Fidelis.ety
