GMN TV Politika OJE 2019, Governu fo prioridade ba setór 6

OJE 2019, Governu fo prioridade ba setór 6

0 views

Primeiru Ministru (PM),Taur Matan Ruak, hatete Orsamentu Jeral Estadu (OJE) (OJE) tinan 2019 ne’e, fó prioridade ba setór  6 no rin 4 ne’ebé mak defini ona,iha Planu Estratéjiku Dezenvolvimentu Nasionál (PEDN) ba tinan 2011 to’o  2030.

Taur Matan Ruak, ho haksolok bo’ot tebes aprezenta Orsamentu dahuluk, no  konkretiza vizaun katak, atu halo Timor-Leste, to’o tinan 2030, sai “País ida ne’ebé Riku, Forte no Seguru”, País ida ne’ebé “prósperu, modernu no dezenvolve liu tán”.

“Orsamentu ida, tuir ami nia hanoin, ho kontributivu bo’ot tolu ba kreximentu ekonómiku no sosiál, ne’ebé mak ita hakarak tebes ba ita-nia nasaun, liu-liu, Kontributu ida ba Mudansa, tanba marka fim husi períodu inserteza nian ida, ho esperansa no konfiansa foun hodi hahú siklu foun ida ho estabilidade polítika, finanseira no ekonómika, Kontributu ida atu Fila-fali ba Normalidade ne’ebé Kompleta Loloos, liu-liu hodi rekupera nivel kreximentu sira ne’ebé rejista ona to’o tinan 2016. Ba ida-ne’e, ami iha previzaun ida ba 5,9% (pursentu lima vírgula sia) husi kreximentu anuál ne’ebé akompanha ho  kondisaun moris nian ne’ebé sai di’ak liu, ho rekuperasaun konsumu família sira nian,no Kontributu ida atu fó Impulsu ba Investimentu Privadu nian- ne’ebé mak ami hein iha eskala ne’ebé boot, liu husi hahú implementasaun projetu boot sira husi Parseria Públiku Privada” Primeiru Ministru Taur Matan Ruak, hato’o deklarasaun ne’e iha aprezentasaun proposta orsamentu jeral do estadu tinan 2019 ba loron dahuluk iha Parlamentu Nasionál iha loron 6, fulan Dezembru, tinan ne’e.

Primeiru Ministru Taur Matan Ruak,hatutan objetivu hirak ne’ebé mai husi Planu Estratéjiku Dezenvolvimentu Nasionál (PEDN tinan 2011-2030), iha alinhamentu ho Roteiru ba implementasaun husi Objetivu sira  Dezenvolvimentu Sustentavel nian to’o tinan 2030, ne’ebé maka tradús no artikula ona iha Programa VIII Governu Konstitusionál.

Xefe Governu ne’e promete sei liberta povu husi Moris-kiak no Hamlaha , no ba ida ne’e, sei promove produsaun agríkola, hodi garante seguransa ai-han no hamenus má-nutrisaun iha país laran tomak, liu husi aproveita didi’ak momentu baixa inflasaun ai-han nian ne’ebé oras ne’e akontese.

Transforma Timor-Leste hodi sai país ida ho rendimentu mediu-aas ,liu husi promosaun ba kreximentu ekonómiku la’ós-petrolíferu ida ne’ebé sólidu no ho kualidade;

Hadi’a índise sira kona-ba dezenvolvimentu Umanu , liu husi fó forsa ba edukasaun no formasaun ida ne’ebé iha kualidade ba rekursu umanu sira, ne’ebé inkluziva no sensivel liu ba igualdade jéneru, no ne’ebé orienta ba nesesidade merkadu, emprezáriu no investidór sira nian;

Proporsiona kondisaun moris nian ne’ebé Di’ak liu , no ba ida ne’e sei fornese servisu edukasaun no saúde nian ne’ebé di’ak liu, no asesu ne’ebé boot liu tán ba uma ne’ebé dignu, eletrisidade, bee no saneamentu, no meiu-ambiente;

Fasilita kriasaun no asesu ba empregu , Atu ita-nia populasaun, ne’ebé barak liu maka foin-sa’e, sei bele dezenvolve sira nia poténsial akadémiku, profisionál ka sientífiku, ho moris ne’ebé mak util no produtivu.

“Ita hakarak harii País ida ne’ebé justu no inkluzivu liu, iha ne’ebé iha dame, toleránsia, seguransa, moris-di’ak no oportunidade ne’ebé hanesan, País ida ne’ebé tau-matan ba grupu sira ne’ebé mukit no vulneravel liu (labarik sira, ferik-katuas sira ka sidadaun sira ne’ebé sofre inkapasidade), no sensivel ba nesesidade igualdade jéneru nian no ba promosaun ativa ba emansipasaun feto nian” Xefe Governu Taur Matan Ruak, informa.

Primeiru Ministru Taur Matan Ruak, aprezenta konaba Fundu Mina-Rai sai nu’udar fonte anuál prinsipál ba reseita Orsamentu Jerál Estadu tinan 2019 nian, ne’ebé korresponde ba 90% (pursentu sianulu) hosi totál reseita sira.

Maske Timor iha objetivu bo’ot atu diversifika setór ekonomia oi-oin, no tan ne’e diversifika fonte reseita oin-oin, ita tenke hatene katak redusaun husi ita-nia dependénsia ba Fundu Mina-Rai, sei la iha mudansa boot liu iha tinan hirak oin mai.

Iha preparasaun Orsamentu Jerál Estadu nian ba tinan 2019, estimativa konaba rikeza mina-rai nian maka $ 17.633,6 (dolar amerikanu biliaun sanulu resin hitu no milhaun atus neen tolu nulu resin tolu no rihun atus neen), no ita hein katak iha finál tinan 2019, saldu ne’ebé iha maka $ 15.911,6 (dolar amerikanu biliaun sanulu resin lima no  milhaun atus sia sanulu resin ida no rihun atus neen), hafoin dedusaun husi levantamentu $ 1.541,4 (dolar amerikanu biliaun ida no milhaun atus lima haat nulu resin ida no rihun atus hat) ne’ebé ohin ami propoin.

Tuir Lei Fundu Mina-Rai nian, osan ne’ebé foti husi fundu ne’e sei orienta husi Rendimentu Sustentavel Estimadu (RSE), ne’ebé bainhira korresponde ba 3% (pursentu tolu) husi totál rikeza nian, kalkula ona iha $ 529,0 (dolar amerikanu millaun atus lima rua nulu resin sia) ba tinan oin-mai.tos


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker