Primeiru Ministru (PM), Taur Matan Ruak, hatete, Orsamentu Jeral Estadu (OJE) 2019 fundamentu tebes ba nasaun no povu Timor-Leste, ho objetivu atu rekopera kresimentu, funsionamentu instituisaun Estadu nian no mos reforsa invenstimentu área estratéjiku no sustenta dezenvolvimentu sosiu ekonómiku iha futuru.
“OJE 2019 fundamnetal tebes ba ita nia nasaun no ita nia povu no objetivu atu rekopera fila-fali ita nia kresimentu, reativa no normaliza funsionamentu instituisaun Estadu nian ,reforsa ita nia invensimentu iha area estratejika ne’ebé sai hakbi’it ita atu dezenvolve no sustenta dezenvolvimentu sosiu ekonomiku ita nia nasaun nian iha tempu oin mai”, hatete Primeiru Ministru ba Jornalista sira, Kuarta –feira nee iha PN.
Xefe Ezekutivu agradese ba Prezidente Parlamentu Nasional ho membru Parlamentu Nasional ,tamba durante debate faze jeneralidade kontribuisaun makas tebes ba dezenvolvimentu.
“Apezar de presaun de tempu no volume servisu diskusaun OJE 2019 diak tebes ,tamba ne’e hau hakarak lori hau nia naran rasik no naran VIII Governu Konstitusional agradese ba Prezidente PN ho deputadu sira ,tamba debate iha faze jeneralidade la’o kapas no diak tebes”, agradese PM.
Primeiru Ministru Taur Matan Ruak, espera diskusaun iha faze espesilaidade sei la’o diak liu tan hodi kontribui ba dezenvolvimentu nasaun foun ne’e nian.tos
