GMN TV Politika Opozisaun konsidera OJE 2019 la refleta nesesidade povu

Opozisaun konsidera OJE 2019 la refleta nesesidade povu

0 views

Deputadu bankada opozisaun iha Parlamentu Nasional (PN), konsidera proposta Orsamentu Jeral Estadu (OJE), tinan 2019, ne’e la refleta preokupasaun no nesesidade povu nian, tanba OJE refere VIII Governu investe bo’ot liu iha área mina-rai ninian.

“Tuir peskiza husi UNDP rekomenda ba Governu atu osan 24%, ne’e tuir dadus ne’ebé que iha ho nune’e bele atinji metas no planu desenvolvimentu estratéziku nasionál, maibé realidade la akontese, ne’e tanba la tau orsamentu ba agrikultura ho infra-estrutura báziku hanesan bee moos, saúde no sira seluk tan”, deputadu bankada FRETILIN, Favião Oliveira liu husi ninia deklarasaun polítika, iha diskusaun no debate OJE da-ruak, iha uma fukun PN, Segunda (10-12-2018).

Nia esplika, OJE 2019 ne’e la refleta duni nesesidade povu nian, tanba la fokus ba seitor savi sira, hanesan agrikultura, edukasaun, saúde, infra-estrutura, hanesan bee moos no saneamentu.

“Ita hatene muito bem katak iha Timor-Leste, tuir dadus ne’ebé que husi Division of Health Services (DHS) 45% komunidade iha foho hela besik bee moos, bee matan no iha torneira bee moos, maibé problema bee moos sei sai difikuldade ba povu no konsumidór sira, maibé 50 i tal% maka hela dook husi bee moos, nune’e ferik, katuas no labarik lori jergen buka bee moos, tanba nesesidade obriga, sira tenki husi foho lolon tun ba tetuk buka bee moos”, haktuir deputadu bankada FRETILIN ne’e.

Nia akresenta, tuir loloos investimentu iha área agrikultura maka importante, tanba maioria agrikultór iha Timor-Leste moris iha agrikultura subsitensia, la’os insentiva, nune’e presiza investe iha agrikultura para insentiva sira, para bele hetan reseita ba nasaun, maibé tinan-tinan Governu tau osan boot liu husi reseitas minerais no kafe.

Husi sorin seluk, deputadu bankada PD, Adriano do Nascimento, hateten, VIII Governu halo planu asaun anual no OJE 2019 laiha koerensia no konsistensia entre planu asaun anual no orsamentu, nune’e OJE 2019 la refleta prioridade prinsipál hirak ne’ebé maka defini tiha ona.

“Iha razaun 6 maka fundamenta há’u nia pensamentu lojika ne’e, ba prioridade númeru 1 hatúr iha seitor agrikultura, seitor edukasaun, seitor saúde, infra-estrutura, liu-liu iha seitor bee moos no saneamentu ne’e númeru osan ne’e ki’ik liu, do que seitor petróleu no minerais ne’ebé la tama iha prioridade 1 to’o 4, ka prioridade 7 nia laran, maibé Governu aloka kedas orsamentu 21% ho total orsamentu miloens USD380.364.000 (trezentos ointenta milhões, trezentos sessenta e quatro mil)”, haktuir Adriano do Nascimento.

Hatán ba preokupasaun ne’e, Primeiru Ministru (PM), Taur Matan Ruak hateten, Estadu tau osan boot ba mega projetu Tasi Mane no infra-estrutura ne’e, tanba Estadu hakarak investe ba longu prazu nian, maibé finalidade osan refere sei investe iha setor savi sira hanesan agrikultura, saúde, edukasaun no sira seluk tan.

OJE 2019 ne’ebé VIII Governu aprejenta ba PN ho montante dolares billaun USD 1.8. entretantu debate OJE 2019 iha jeneralidade hala’o durante loron 3, hahú husi loron 6, kontinua fali iha loron 10 no sei remata iha loron 11, fulan ne’e, maibé debate iha espesialidade sei hala’o iha loron 12 to’o 22 fulan Dezembru. Ves


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker