Durante Debate Orsamentu Jerál Estadu (OJE) tinan 2019 faze espesialidade deputados Maria Angélica Rangel, Antoninho Bianco husi bankada FRETILIN hatama proposta rua hodi husu redus orsamentu Ministériu Transporte no Komunikasaun. Maibe prosposta refere deputado proponente sira retira hikas hafoin rona esplikasaun husi Ministru Transporte no Komuniksaun (MTK) José Agustinho.
Tuir deputada observsaun GMN durante diskusaun, deputados opozisaun sira ne’e hatama proposta rua, deputada Angélica husu redus iha bens servisu Diresaun Nasional Trestre kategoria despeza bens servisu dotasaun inisial mil $972 redus ba mil $100 dotasaun final mil $872. No deputado Antoninho husu atu redus iha Gabinete Diretor Jeral MTK kategoria bens servisu dotasaun inisial 430 mil alterasaun ka redusaun mil $200 dotasaun final mil $230. Tamba deputados nain rua konsidera orsamentu ba diresaun rua ne’e bo’ot liu.
Hatan ba proposta ne’e Ministru MTK José Agustinho esplika, sira tau orsamentu b’ot oituan ba diresaun rua ne’e, tamba MTK sei rekrutra asesor nasional nain tolu ba diresaun rua ne’e ho salario kada ema ida 5 mil no asesor internasional ho ida ho salario mil $15 alende ne’e mós asesir sira ne’e atu halo atendementu ba publiku.
Hafoin rona klarifikasaun husi Ministru proponente sira retira hikas proposta rua ne’ebé ho numeru 111 ho propontente mak hanesan deputadu Antoninho Bianco, Adriano do Nascimento, Maria Angélica Rangel, no proposta numeru 112 ho proponente Maria Angélica Rangel ho Nelia Soares Menezes. ety
