GMN TV Politika PD nota PPN Arão viola rejimentu PN

PD nota PPN Arão viola rejimentu PN

0 views

Bankada Partidu Demokratiku (PD) iha Parlamentu Nasionál (PN), lamenta no krítika maka’as desizaun Prezidente Parlamentu Nasional (PPN), Arão Noe, ne’ebé jere tempu ba deputadu sira hodi halo intervensaun iha sesaun diskusaun Orsamentu Jeral Estadu (OJE) 2019.

Tuir deputado Adriano do Nascimento, PPN Arão viola ona rejimentu PN, tamba rejimentu PN hatete, proposta ida deputadu iha direitu atu koalia  minutu 3 iha primeiru no ba segundu. Maibe PPN Arão la fo fatin ba deputado sira hodi halo intervensaun to’o minitu 3.

“Buat ne’ebé ita bo’ot hanoin ne’e hanoin ita bo’ot nian, ita tenke tuir rejimentu ne’ebé iha se ita lakohi uza rejimentu so’e tiha rejimentu ita joga livre deit, ita tenki halo tuir rejimentu ne’ebé iha labele halo tuir ida ida nia hakarak ‘’, deklara Adriano iha sesaun diskusaun OJE 2019 iha PN, Tersa (18/12).

Hatan ba lamentasaun bankada PD ne’e, PPN Arão, hateten katak, rejimentu debate lei OJE hanesan lei espesial no lei hotu iha PN la iha limitasaun ba tempu bele debate to’o fulan rua tolu no bele to’o tina iha plenária.

Maibé debate OJE nia estabelese kedas tempu ida katak debate audensia iha komisaun nian iha loron 15 komisaun C iha tan loron 5 hodi bele konklui relatóriu parser durante loron 20 dias hodi submete ba iha plenária, tamba  iha plenária nia fo tempu tuir rejimentu iha loron 3 ba jeneralidade, debate especialidade iha loron 10 hakarak ka lakoi OJE ne’e aprova.

“Nune’e kuando ita husik tempu livre deit uza tuir deputadu nia hakarak maka tempu ne’e la to’o, tanba ne’e meja opta ho konsiensia nia konsentimentu   ba plenária nian tanba plenária la kestiona bainhira diskusaun ne’e la’o iha, ohin ita debate OJE faze espesialidade tama ona   loron 5,  hela loron 5 atu hotu  espesialidade, materia barak sei diskuti, meja jere tempu nune’e bele hotu tuir tempu ne’ebé regimentun haruka la iha intensaun hakarak lalais ka neneik importante mak ita kumpri regra ne’ebé estebelese”,esplika Arão.Ety


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker