GMN TV Politika PD preokupa saláriu funsionáriu junior profisional MF

PD preokupa saláriu funsionáriu junior profisional MF

0 views

Vise Xefi bankada Partido Democrático (PD), Adriano do Nascimento, preokupa ho proposta orsamentu husi Ministériu Finansas (MF), tanba konsidera saláriu ba funsionáriu tékniku kategoria junior profesional, bo’ot liu fali funsionáriu antigu sira iha ministériu refere.

“Iha buat ida ne’ebé que la hanesan entre tékniku sira ne’ebé bolu junior profesional ne’ebé foin mai ho sira ne’ebé que servisu kleur iha MF, tuir informasaun katak junior profesional nia salariu ne’e boot liu fali sira ne’ebé que servisu tinan ba tinan iha ne’ebá”, Vise Xefi bankada PD liu husi ninia intervensaun polítika ba OJE MF ninian, iha debate datoluk espesialidade ninian, Sabadu (15-12-2018).

Nia esplika, tanba ne’e maka nuudar reprezentante iha uma fukun PN, hakarak husu ba MF atu halo esplikasaun ida ba públiku kona-bá kestaun funsionariu foun ne’ebé foin tama servisu ho títulu junior profesional, salariu boot liu fali funsionariu tuan sira nian, tanba dau-daun ne’e mosu hela konfuzaun iha sira nia leet.

“Esplika to’ok mai para funsionariu tuan sira ne’e bele komprende, tanba sé la’e bele kria siumis ka kecemburuan entre sira no bele mós dezmoraliza hodi bele fó impaktu ba dezempeñu servisu pesoal no mós MF ninian”, haktuir Adriano do Nascimento.

Hatán ba preokupasaun ne’e, Vise Ministra Finansas (MF), Sara Lobo Brites rekoñese, loos duni salariu tékniku junior profesional boot liu, funsionariu antigu sira nian no polítika implementasaun salariu ne’e introduz nanis iha tinan lima (5) ba kotuk.

“Por a caso ita nia oan sira ne’ebé maka ba eskola iha rai liur, sira mai ho kualifikasaun ne’ebé maka diak, sira bele komplementa fali ita nia funsionariu sira ne’ebé kleur iha makina Estadu, konserteza ho salariu ida ne’ebé que diferente, kria duni konflitu, tanba ne’e maka MF haree oinsa atu reve fila-fali prosesu sira ne’e no introduz duni rezimi ida ba finansas para inkorpora hotu funsionariu sira ne’e iha rezimi ida de’it do que iha rezimi bar-barak.

Entretantu proposta OJE 2019 ne’ebé MF propoin ho montante USD tokon rua nulu resin rua. ves


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker