Bankada Partidu Demokratiku (PD) iha Parlamentu Nasionál (PN), preopuka ho servisu Sekretáriu Estadu Formasaun Profisionál no Empregu (SEFOPE) ne’ebé la iha dadus Timor-oan sira tuir ona formasaun iha Sentru
Formasaun ne’ebé estabelese husi SEFOPE.
Deputado PD Adriano do Nacimento hatete, lolos SEFOPE tenki iha, tamba ho dadus sira ne’e PN inklui sosiedade sira bele hatene husi formasaun ne’e Timor- oan hira mak hetan ona oportunidade servisu no Governu rasik uja formandu sira ne’e ka lae hafoin sira hetan formasaun.
“SEPFOPE nia papel atu halo formasaun ba jovem sira iha Centru Formasaun ne’ebé tuir necessidade merkadu presiza no iha centru hirak ne’e ba tinan ne’e prioridade saida mak atu kria’’,deklara Adriano iha PN liu husi diskusaun OJE 2019 faze especialidade, Sesta (14/12).
Hatan ba preokupasaun ne’e Sekretáriu Estadu ba Polítika Formasaun Profisionál no Empregu Julião da Silva rekunese sira la iha duni baze dadus ba Timor oan sira ne’ebé tuir ona formasaun ne’ebé estabelese husi SEFOPE.
Nune’e Julio konsidera kestaun ne’e sai problema bot ida ba SEFOPE, maibé dadaun ne’e sira hahu servisu maka’as hadia sistema hodi bele akumla dadus jovem ne’ebé hetan ona formsaun no hafoin sai saida mak sira hetan.
“ Formandu sira ne’e hetan ona servisu ami susar atu hatene, ne’e hanesan problema ida mai ami, tamba ne’e bao in ami sei kria hotu dadus nune’e hafoin sira simu tiha sertifikadu prosesu ba oin ne’e oinsa ita bele akompana nafatin sira”, koalia Julio. ety
