Primeiru Ministru (PM), Taur Matan Ruak, hatete impase polítiku ne’e hotu, bainhira Prezidente Repúblika (PR), Francisco Guterres ‘Lú Olo’, hakarak. Tanba tuir Xefe Governu katak, laiha razaun Prezidente Repúblika la fó tomada de posse ba membru Governu nain sia.
Primeiru Ministru Taur Matan Ruak, hato’o lia hirak ne’e,bainhira hatan ba perguntas deputadu husi bankada Partidu Demokratiku (PD) Adriano do Nascimento, katak bainhira mak situasaun impase politiku rai laran ultrapasa no membru Governu la kompletu ne’e programa Governu nian no OJE bele la’o ka lae?
Xefe Governu rekoñese katak ba membru Governu nain 9 ne’ebe Prezidente Republika Francisco Guterres Lú Olo, seidauk fó posse difikuldade boot ba nia Governasaun, maibe nu’udar Xefe Governu prontu ho pasiensia nafatin hodi hala’o servisu no hein desizaun prezidente nian.
“Prezidente Republika hatene katak, ho membru sira ne’ebe mak seidauk tomada de posse difikuldade bo’ot ba hau nia Governu ,mas hau prontu nafatin para halo servisu no pasiensia nafatin hein to’o desizaun Prezidente Republika Francisco Guterres Lú Olo, nian ne’e buat ne’ebe hau espresa ba Prezidente Republika.Tamba ne’e ami hein to’o bainhira mak Prezidente Republika hanoin fo posse ba membru Governu sira ne’ebe mak seidauk simu posse”, hatete Primeiru Ministru Taur Matan Ruak hodi responde ba perguntas deputadu Adriano do Nascimento.
PM Taur Matan Ruak fo hanoin fali katak, “Ulluk hau iha VI Governu Konstitusional ba Jeneral Lere Anan Timur, hau mak dehan hanesan ne’e ,tamba aman Prezidente Republika hau mak lakon no hau rende ne’ebe Jeneral halo tan tinan hira tuir Governu nia hakarak ,tamba hanesan prezidente hanesan sidadaun normal ne’e ulun fatuk tos hau mos ida ,tamba ne’e jeneral, maibe hanesan oragun Estadu haree ba interese nasaun ,ita tenki sukat pasu hotu ne’ebe ita fo ne’ebe todan,maibe prontu para la’o ,to’o ita bo’ot sira hanoin hanesan ne’e ok ita ba fali eleisaun antisipada”.
Konaba impasse politiku nee, Primeiru Ministru Taur Matan Ruak hatete nia kontinua hala’o dialogu ho Prezidente Republika Francisco Guterres Lú Olo, tamba tuir PM nia hatene Prezidente Republika hanesan orgaun maximu simbolu nasaun nian no nia mak tau matan ba nasaun ninia estabilidade ho nia funsionamentu instituisaun Estadu.
“Konaba perguntas husi deputadu Adriano do Nascimento husi PD katak, konaba Governu la kompletu programa Governu nian no OJE bele la’o ka lae? Hatan ba deputadu ne’e, “Ami halo ezersisiu ida que fora de normal e o sacrifisio a mais que VIII Governu halo só para ita nia nasaun ne’e bele la’o nafatin ba oin ,tamba hau nia situasaun normal ne’e hanesan buat ida que laiha nesesidade ba hau ne’e hanesan e o sacrifisio que não tem nesecidade para que sacrificar quando podia ita ultra passa”, afirama PM TMR.
PM Taur Matan Ruak mos konta nia esperiensia wainhira nia sei asumi pasta Prezidente Republika ba periodu 2012 – 2017.
“Hau koalia ida ne’e, tamba hanesan hau mai Primeiru Ministru sai Prezidente Republika tinan 5 no uluk hau nia prezidente iha mós problema Governu ita bo’ot deputadu sira iha PN ne’e ,maibe hanesan Prezidente Republika ne’e hanesan aman ba nasaun normalmente sé nesesariu atu lakon aman mak tenki lakon uluk, laos oan sira ,aman tenki kompriende oan sira”, realsa Taur Matan Ruak.
Membru VIII Governu Konstitusional nain 9 ne’ebe Seidauk Simu Posse mak hanesan Francisco Kalbuady Lay, Gastao De Sousa, Tomas Cabral, Helder Lopez, Marcos Da Cruz, Abel Pires, Sergio Lobo, Virgilio Smith, Amandio Benevides, Jacinto Rigoberto, no Jose Turquel.tos
