GMN TV Politika PN aprova OJE 2019 iha jeneralidade ■FRETILIN maioria kontra

PN aprova OJE 2019 iha jeneralidade ■FRETILIN maioria kontra

0 views

Reprezentante povu iha Parlamentu Nasional (PN) aprova ona Orsamentu Jeral Estadu (OJE) 2019 faze jeneralidade ne’ebé halo ona diskusaun durante loron tolu, nune’e diskusaun OJE
tama kedas ba faze espesialidade.

Maibé antes hetan aprovasaun, diskuasaun OJE faze jeneralidade ne’e hetan kritíka maka’as husi bankada opozisaun FRETILIN ho PD, tanba konsidera OJE 2019 ne’e la refleta povu nia nesidade no preokupasaun.

Vise xefi bankada FRETILIN Francisco Miranda Branco konsidera,OJE  ne’ebe VIII Governu propoin ho montante billiaun 1.8 ne’e 15% deit mak Governu aloka ba setor  importante ba povu nia moris hanesan, Agrikultura ,  Saúde no Edukasaun, 50% Governu foka liu ba mega projetu atu halo investimento bo’ot iha planu atu transforma estrutura ekonomika ba industria petroliferu.

 “Ita tenki hare uluk setor sira ne’ebé importante ba povu no sai nesidade basiku povu nian, agora setor sira ne’e ita tau osan ki’ik liu, ita tau atensaun liu ba projejtu bo’ot, ita labele tau povu iha risku hodi halo dezenvolvimentu iha setor industria petrolíferu,’’ deklara Francisco iha plenaria durante diskusaun OJE faze jeneralidade, Kuarta (21/12).

 Iha fatin hanesan deputado bankada PLP Abel Pires hateten, OJE nudar instrumentu krusial ba Governu atu harí no hametin estabilidade ekonomia politíka social, nune’e Abel konsidera  OJE 2019 refleta eskala economia governasaun VIII Governu nian no sei kontribui ekonomia ba nasaun.

“ OJE ida ne’e fó duni optimisma mai ita hotu tinan 2019 no ita sei promove programa anual sai xave sussesu ba implementasaun planu dezenvolvimentu estratejiku nasional, “ dehan Abel.

Tanba ne’e bankada PLP bolu atensaun atu kria ambiente kontruktivu ba governu atu alkansa tarjetu ne’ebé hakerek ona iha OJE ida ne’e.

OJE faze jeneralidade ne’e aprova ho votus, a favor 40, kontra 25 no abstensaun 0. ety

 


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker