GMN TV Politika PN sosa duni kareta foun ba deputadu

PN sosa duni kareta foun ba deputadu

1 views

Deputadu Parlamentu Nasional (PN), liu husi diskusaun Orsamentu Jeral Estadu (OJE)  2019, iha faze espesialidade ba loron daruak, aprova sosa kareta Prado foun ho folin kada kareta USD 63.000 ba deputadu V lejislatura, maske hetan protesta maka’as husi estudante no entidade balun iha rai laran.

Hafoin deputadu sira aprova, bankada FRETILIN foti kedas nia pozisaun iha Parlamentu Nasional (PN) hodi konsidera katak, PN la’os ona reprezentante povu ne’ebé sai tilun no ibun ba povu nia preokupasaun.

Vise xefi bankada FRETILIN, Francisco Miranda Branco, hatete, PN hanesan reprezentante povu la presiza sosa Prado, maibe bele sosa  kareta sira ne’ebé reprezenta duni povu hanesan kareta Nisan Navara ka Pajero, tanba nasaun Timor-Leste nia povu  40% sei moris ho malnutrisaun no kuaze 50% ne’ebé deputadu sira reprezenta ba sei moris iha kiak nia laran.

“Dignidade deputadu nian reflete ba servisu, la’os reflete ba kareta ne’ebé ita iha, FRETILIN hatudu ona uluk iha primeiru no segundu legislatura la ho kareta, ami ba kareta privadu mak halo servisu’’,deklara Francisco iha plenaria durante diskusaun OJE ne’e.

Francisco Branco mos lamenta ho desizaun Prezidente PN, Arão Noe de Jesus, ne’ebé la admiti FRETILIN nia proposta atu koa osan millaun $1 husi orsamentu millaun 2,6 ne’ebé PN prevé ba iha OJE 2019 hodi sosa kareta Prado.

Tuir Franciso Branco, PPN Arão lolos bele akumula ema hotu nia aspirasaun, maibe PPN Arão akumula deit ema balun nia aspirasaun.

Iha fatin hanesan, Prezidente PN, Arão Noe, afirma katak, maske aprova ona sosa kareta ba deputadu sira, la signifika sosa ona kareta Prado, PN sei hein kuandu kareta Prado tuan sira ne’e deputado sira kontinua la intrega mak PN sei uza osan millaun $2,6 hodi sosa kareta.

 “Se kareta tuan mak hatama fila-fali osan ne’e sei la uza atu hola kareta, tamba ita labele hola kareta doubro mai PN ida ne’e hanesan previzaun ida prosesu ne’e lori ba to’o prosesu sira deside katak dehan kona-ba asaun sira halo uluk ne’e validu parlamentu tenke hola kareta ba deputadus, koalia Arão.

Antes ne’e, kareta Prado ne’ebé sosa iha III lejislatura ho folin millaun $63.000, fó leilaun ba eis deputadu sira iha III lejislatura ho folin $8.000 no kuaze kareta 50 liu mak troka ona xapa matríkula PN nian ba privadu. Dadaun ne’e kareta tolu intrega ona ba PN.ety


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker