GMN TV Politika PR Lú Olo veta lei atividade fundu petrolíferu

PR Lú Olo veta lei atividade fundu petrolíferu

0 views

Prezidenti Repúblika (PR), Francisco Guterres ‘Lú Olo’, Tersa (11/12/18), deklara veta lei atividade petrolíferu no.13/2015 ne’ebé Parlamentu Nasionál halo alterasaun iha loron 2, fulan Dezembru, tinan ne’e.
Lei atividade petroliferu ne’e Prezidenti Repúblika simu iha loron (16/11/2018) liu ba atu hetan promulgasaun, maibe iha loron Tersa (11/12/2018), Prezidenti Repúblika haruka ona karta ba Prezidenti Parlamentu Nasional hodi fundamenta sentidu ezersisiu ne’ebé ezerse ninia kompotensia atu promulga ka veta dekretu ne’e.
Prezidenti Repúblika haktuir, hafoin simu tiha dekretu Parlamentu Nasional no.3/V-Primeira alteração ba lei no. 13/2015, loron 2 fulan Novembru, lei atividades petroliferu ne’ebé remete ba Prezidenti Repúblika atu hetan promulgasaun tuir alinea A.artigu 85 Konstituisaun Repúblika .
“Ha’u nia kualidade nudar Prezidenti da Repúblika , ha’u hakarak pronunsia ho respeitu tomak ba órgaun soberania Parlamentu Nasional, ha’u nia Veto ba dekretu Parlamentu Nasional no.3/V-primeira alteração ba lei no.13/2005, loron 2 fulan Setembru, lei atividades petroliferu tuir no.1 artigu 88 ita nia konstituisaun,” deklara, Prezidenti Repúblika Francisco Guterres Lú Olo, iha ninia deklarasaun veta iha salaun Palasio Prezidensial Nicolau Lobato, Bairo Pite-Dili.
Prezidenti Repúblika Francisco Guterres Lú Olo, apresenta razaun lima ne’ebé lori nia veta alteração Lei Atividade Petroliferu ne’e. Razaun dahuluk, atu evita katak politikas no regras investimentu nian labele asesivu demais tanba deit atividades sira, inklui mos operasoes petroliferas ne’ebé rekere investimentu diretu husi Fundu Minarai.
Razaun daruak, Prezidenti Repúblika hakarak asegura politika lejislativa ida ke klaru, dinamiku, maibe purdente no transparante, atu nunee bele apoia simultaneamente dezenvolvimentu operasoens petroliferas husi setor públiku petroliferu administrative, empersarial no komersial ne’ebé haeblar durante ne’e.
Razaun datolu, Prezidenti Repúblika mos hakarak haforsa pratika diak hodi halo kontrolu jurisdisional administrativu préviu ba atus no kontratus sira ne’ebé halo iha ambitu ida ne’e ho forma ekilibradu no hakarak iha nafatin fiskalizasaun judisional adminstrativa prévia.
Atu nune’e evita katak aban bainrua Estadu mak tenke simu todan ne’ebé tuir lolos bele antesipa kedas agora labele hatodan Estadu aban bainrua ho konsekuensia ne’ebé lá diak.
Razaun dahat, iha prosesu konstrusaun estadu no dereitu Prezidenti Repúblika hakarak haree buat hotu ne’ebé ita halo tenke kontribui ho forma efetivu no diak liutan, nune’e iha prosesu konstrusaun ne’e ita tenke tuir dalan demokratiku tuir prosidementu ne’ebé propriu iha interdepedensia nia laran.
No razaun dalima, Prezidenti Repúblika hein katak situasaun de faktu labele mosu tan no nune’e obriga Parlamentu Nasional halo lejislasaun ho karate retroativu hodi vailda ka juridisidade ba atus ka faktus sira.
Xefe Estadu nee hatete deputadu sira rasik laiha koñesimentu klean iha momentu foti desizaun, karik tamba sira laiha asesu ba fontes dokumentais primais ka kopia ruma no rona rasik, wa’inhira sira diskuti tetu ho prudensia atu halo desizaun ruma kona-ba faktu konsumadu sira.
Maske nunee Prezidenti Repúblika dehan ho veta ne’e aplika deit ba dekretu ne’e, lá signifika sei veta diploma sira seluk ne’ebé tuir mai.
“Fiar katak veto ida ne’e aplika deit ba dekretu ida ne’e, veto ba dekretu ne’e la signfika sei determina veto ka promulgasaun diploma sira seluk ne’ebé sei tuir mai, tamba kada diploma ninia análise ketak-ketak,” dehan, Xefe Estadu Lú Olo.
Ema númeru um iha RDTL nee aprofunda prinsipiu mak tenke tuir lei no buat sira ne’ebé hakarak atu halo ne’e hanoin lós ona, maibe lei la permite, tanba nee tenke muda uluk tiha lei ne’e, atu nune’e bele halo buat sira konforme lei ne’ebé vigora.
Antes ne’e, Primeiru Ministru (PM), Taur Matan Ruak, hatete katak, Prezidenti Repúblika la promulga alterasaun lei atividade fundu petolíferu ne’e, Governu sei tau orsamentu millaun USD 650 ba sosa asaun kompania ConocoPhillips no Shell ninian.

“Ha’u reforsa maun bo’ot Xanana nian para que husu Prezidenti Repúblika bele promulga. Mas se Prezidenti la promulga lei ne’e, orsamentu agora ami tau millaun USD 650 ba sosa (asaun) Shell ho ConocoPhillips, no Governu ne’ebé ha’u lidera prontu para halo debate iha Parlamentu”,dehan PM Taur bainhira partisipa seminariu nasional kona-ba FM Sabadu (8/12/18).Eus


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker