Sekretáriu Jerál Forum Macau, Xu-Yingshen, Segunda-feira nee hasoru malu ho Primeiru Ministru, Taur Matan Ruak hodi koalia konaba Forum Macau no governu Timor Leste nian konaba dezenvolvimentu ekonomia no komersial país nee.
“Ohin ami hasoru PM Taur Matan Ruak hodi koalia konaba interesante parte rua hotu no PM informa mos konaba situasaun politika iha rai laran konaba meta dezenvolvimentu ekonomiku,...., nasaun nian no ami mos informa ami nia servisu forum Macau ba Primeiru Ministru Taur Matan Ruak “, hatete Sekretáriu Jerál Forum Macau Xu-Yingshen, ba jornalista sira iha Palásiu Governu.
Iha Sorumutu ne’e, Sekretáriu Jerál Forum Macau ho Primeiru Ministru Taur Matan Ruak, diskuti konaba dezenvolvimentu setór ekonomia, no komersiu, entre nasaun rua (2) ne’e iha futuru.
“Ami hein forma multilateral bele kompleta servisu bilateral entre China no Timor-Leste atu hadia diak liu tan kooperasaun entre parte hotu hein mos Timor-Leste bele aproveita hadia plataforma servisu atu aumenta kooperasaun entre China ho nasaun Lingua Portuguesa liu husi kooperasaun ekonomika no komersial bele mos liu husi forum ajuda dezenvolvimentu futuru”, hatete Xu-Yingshen.
Sekretáriu Jerál Forum Macau nee dehan tan katak liu husi sorumutu ne’e bele hametin liu tan kooperasaun bilaterál entre China no Timor-Leste.
“Ami hein forma multilateral bele kompleta servisu bilateral entre China no Timor-Leste atu hadia diak liu tan kooperasaun entre parte hotu, hein mos Timor-Leste bele aproveita hadia plataforma servisu atu aumenta kooperasaun entre China ho nasaun Lingua Portuguesa liu husi kooperasaun ekonomika no komersial bele mos liu husi forum ajuda dezenvolvimentu futuru”, dehan Xu-Yingshen.
Durante ne’e nasaun China oferese servisu organizasaun, espozisaun,interkambiu kultural no kapasitasaun rekursus humanus ba Timoroan sira.
“Apoiu ne’ebe mak durante ne’e Macau sempre oferese hanesan plataforma servisu ho sentidu organizasaun,expozisaun servisu alende media impreza oituan, enkuantu apoiu finanseiru ba ,interkambiu kultural no kapasitasaun rekursus humanus”, lembra Xu-Yingshen.
Alen de nee mós China husu ajuda ba Governu Timor-Leste atu mai TL para aproveita plataforma no haluan identifika oportunidade negosiu enkuantu komersiu no negosiu entre China ho Timor-Leste”, termina Sekretariu Jeral Forum Macau. tos
