Sekretariu Estadu Assuntu Antigu Kombatente no Libertasaun Nasionál, Gil da Costa Monteiro ‘Oan Soru’ hateten, kona-ba Prezidenti Repúblika, Francisco Guterres ‘Lu Olo’, Veta dekretu Lei Atividade Petrolíferu (LAP), nu’udar veteranu husu ba Timor-oan hotu labele korta mota, sé lae mota lori.
“Ha’u koalia asuntu ne’e, ha’u ba ida ne’e ha’u korta dalan, hanesan Veteranu mak ne’e, ita buka tuir dalan legal hotu-hotu, proteje, atu nune’e Timor-oan hotu bele liu husi ponte, do que hakur mota para mota lori, i husu ba Timor-oan hotu-hotu liu-liu intelektual sira no órgaun de Estadu sira hotu atu kontribui likus prosesu ida ne’e, agora prosesu ida di’ak mak ne’e ita Timor oan hotu tenke kontribui ba nasaun nia di’ak ita hotu tenke kontribui”,haktuir, Gil da Costa ‘Oan Soru’, ba Jornalista sira, Segunda (17/12/2018), iha Palasio Prezidensial Nicolao Lobato, Bairo Pite, Díli.
Governante nee koalia lia hirak nee wainhira hatan perguntas konaba posizaun veteranu nian ba desizaun Prezidente Repúblika, veta lei númeru 13/2005 artigu 22 , alterasaun lei atividade petrolíferu foin lalais nee.
Sekretariu Estadu ne’e hateten, Veteranu no Intelektuál hotu tenke la’o tuir dalan legál hodi kontribui ba prosesu dezenvolvimentu povu no nasaun.
Antes ne’e, Prezidente Repúblika, Francisco Guterres ‘Lú Olo’, desidi veta alterasaun lei atividade petrolíferu tuir artigu 88 konstituisaun RDTL ho razaun fundamental atu evita katak politika no regra investimentu nian labele esesivu demais, tanba deit atividade sira, inklui mós operasoens petrolífera ne’ebé rekere investimentu direitu husi fundu minarai. Maibe reprezentante espesial ba asuntu petroleu, Kay Rala Xanana Gusmão, kestiona kapasidade dotor da lei ne’ebé PR Lú Olo hetan, tanba rona liu nia maluk sira iha Comite Central da FRETILIN no ONG FONGTIL.
Opurtunidade ne’e mos, Gil da Costa, dehan, nu’udar veteranu fó nafatin sira nia kontribuisaun ba polítika Estadu atu sosa asaun ConocoPhillips ho Shell, atu nune’e labele sai deit istória, maibé sai mós matéria ruma ba jerasaun sira iha futuru.Eus
