GMN TV Politika Veta lei atividade petrolíferu, Xanana Gusmão: Ha’u la fiar ona Lú Olo

Veta lei atividade petrolíferu, Xanana Gusmão: Ha’u la fiar ona Lú Olo

0 views

Reprezentante espesial Governu Timor-Leste ba Asuntus Petrolio, Kay Rala Xanana Gusmão, deklara sei la fiar tan ona Prezidenti Repúblika (PR), Francisco Guterres Lú Olo, tanba Xefe Estadu ne’e  fiar liu Forum Organizasaun Naun Govermental Timor-Leste (FONGTIL).

Deklarasaun ne’e, Xanana Gusmão hato’o liu husi programa Grande Entrevista Especial iha Estudio 2 GMNTV, Bebora, Díli, Sexta (14/12/2018), relasiona ho Prezidenti Republika veta proposta alterasaun lei aktividade Fundu Petrolífero.

“Prezidenti so hatudu mai hau katak hau lalika fiar nia, katak saida deit maka hau koalia ho nia, nia la tanggapi, signifika nia la fiar hau, hanesan hau agora ne’e lafiar nia, lafiar nia hanesan doutor dereito ida, lafiar nia hanesan uluk Prezidenti Parlamentu halo lei sira, hau hakarak aplika ne’e, nia bele temi dehan deputadu sira lahatene, agora nia lahatene hotu, tanba ne’e maka nia veto, deputadu sira nia temi iha ne’e, ne’e deputadu FRETILIN nian, ida ne’e maka nia temi fali mai hau dehan katak tenke hot-hotu hatene para ita kaer interesse nasional, hau la fiar nia ona, hau hatene karik Horta ba husu hau atu apoiu nia, mas tarde ona lae Horta mak simu US$ 1.180 milliaun. Hau uluk prezidenti tinan lima fulan ida hau simu US$800, agora ita manan tiha ita simu US$ 1 milliaun, hau maka lakolen ona ho politiku karik, hau atu ba kandidatu prezidensial para simu US$ 1 milliaun, US$ 700 mil mos hau kontenti ona”, hateten Xanana Gusmão.

Reprezentante especial Timor-Leste ba Fronteira Maritima, Kay Rala Xanana Gusmão, hateten, Prezidenti Republika, Francisco Guterres Lu Olo veta lei aktividade fundu petrolíferu kria konfuzaun ba nia an rasik.

Xanana Gusmão mos dehan Seminariu iha CCD loron 8 fulan Dezembru nee konvida Prezidente Republika, Lu Olo, maibe sua exelencia Prezidenti Republika, haree ba la mosu, nee prezidente komesa hatudu ona nia sentidu Estadu.

“Seminario halo iha CCD iha 8 Dezembru, liu tiha loron 3 Prezidenti Lú veta, dekretu ne’e simu husi Parlamentu Nasional iha kedas loron  16 Novembru ne’ebe ita hotu bele komprende katak prezidenti iha kedas loron 25 atu estuda, iha ona Outubro, hau fila fali husi liur depois de sosa tiha asoens husi Conocophilips, hau rasik maka husu ba hasoru Prezidenti, hau ba Aitarak laran hodi esplika buat hotu, esplika ami nia servisu ne’ebe maka la’o hela, to’o atu ratifikasaun ne’e presiza serbisu saída tau iha kalendario, to’o komesa konstrusaun ba plataforma, no bainhira maka ita bele exporta gas, hau fo hotu,  no Prezidenti Republika dehan ba hau, ba asuntu interesse nasional diak liu sociedade tomak tenke hatene para bele hanoin ida deit, ho hanoin ida ne’e maka hau dehan prezidenti se nune’e ita depois konbina tempu, hau fo hatene ba prezidenti bainhira maka ami bele mai aprezenta, prezidenti komvida Konsellu Estadu, prezidenti komvida konselu Defeza Seguransa, partidus, parlamentu, Governu no institusoens Estadu hotu atu ba iha salaun bo’ot Prezidensia Republika ne’e ami bele mai halo apresentasaun iha ne’e, prezidenti nudar Xefi Estado garante unidade nasional bolu sira mai mak ami bele halo”, dehan Xanana Gusmão.

Comadante em Xefe iha tempo resistensia nee dehan tan, Prezidente Republika fo-foun konkorda ikus mai maka nia dehan, lae? Se nune’e entaun prepara didiak ba. Depois Komisaun prepara tiha no haruka konvite ba Prezidente Republika atu partisipa, Prezidente Republika la ba.

“ Kuandu to’o tempu haruka komvite mai hau  no halo deit iha CCD maka hau ba , maibe konvida tiha sua exelencia Prezidenti Republika haree ba la mosu, hau hanoin Bom prezidenti komesa hatudu ona nia sentidu Estadu, nia dehan presiza garante unidade nasional iha asuntus nacionais, nia propoin tiha ida ne’e, hau konvida tiha nia nia la ba tiha, mas hau bele haree buat ida, FRETILIN mos la ba, ohhh…oohh prezidenti la ba karik CCF la fo lisensa, ne’ebe prontu ne’e diak”, duvida Xanana Gusmão.

Iha grande entrevista nee Xanana Gusmão dehan nia iha 23 Novembro nia hakerek surat ida ba prezidenti depois sosa tiha Shell, nia esplika buat hot-hotu, liu tiha iha CCD loron tolu, Prezidente Republika veta tiha dehan fali kria konfuzaun.

“Hau lee prezidenti nia mensagem fo sai mai nasaun iha facebook, katak kria konfuzaun, hau SMA mas hau admira doutor de lei ida maka kria konfuzaun ba nia an rasik fali”, tanba nia temi hanesan ne’e dahuluk atu evita katak politika no regras investimento nian ne’ebe labele esesivo demais, tanba atividades sira inklui mos operasoens petrolíferas ne’ebe rekere investimentos diretus husi osan fundu minarai, oohh…oh, nia koalia operasoens petrolíferas rekere investimento husi fundus minarais, dekretu ida ne’e karik promulga ninia implikasaun mak kria konfuzaun, lae prezidenti konfuzaun ne’e iha ita boot nia ulun, no la halo konke ita bele lakon klareza no sei lahatene destingue ona kona ba saida maka ativus financeiros no ativus rikusoin sira, maske lei fundu minarai hakerek klaru tiha ona”, dehan Xanana Gusmão.

Tuir Xanana Gusmão katak  lei fundu minarai ne’e Prezidenti Republika uluk sei Prezidenti Parlamentu maka promulga lei nee, tanba ne’e nia maka hakerek la’os hau (Xanana).

“Hau senti katak karik kala tempo kleur ona ne’ebe haluha tiha, Prezidenti Republika koalia los, klaru tiha ona, mas nia temi fali esesivo ne’e maka hau konfuzu, iha artigu 15 lei fundu minarai ne’e iha no 2 temi katak titulus”,dehan Xanana.Mia


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker